ಸಕಲೇಶಪುರ : ಬಾಳ್ಳುಪೇಟೆಯಲ್ಲಿ ಸರಣಿ ಕಳ್ಳತನ
ಗಣೇಶ್ ಮೆಡಿಕಲ್ ಹಾಗೂ ಟೀ ಕ್ಯಾಟಿನ್ ಬೀಗ ಹೊಡೆದು ಕಳ್ಳತನ.
ಸಕಲೇಶಪುರ : ತಾಲೂಕಿನ ಬಾಳ್ಳುಪೇಟೆಯ ಗುರಪ್ಪ ವೃತ್ತದ ಸಮೀಪವಿರುವ ಗಣೇಶ್ ಮೆಡಿಕಲ್ ಬೀಗ ಹೊಡೆದು ಕಳ್ಳತನ ಮಾಡಿರುವ ಘಟನೆ ನೆಡೆದಿದೆ.
ವೇಕಟೇಶ್ ಮಾಲೀಕತ್ವದ ಗಣೇಶ್ ಮೆಡಿಕಲ್ ನಲ್ಲಿ ಕಳೆದ ರಾತ್ರಿ ಮೆಡಿಕಲ್ ಗೆ ಅಳವಡಿಕೆ ಮಾಡಿದ್ದ ಎರಡು ಬೀಗಗಳನ್ನು ಹೊಡೆದು ಹಾಕಿ ಒಳ ನುಗ್ಗಿರುವ ಕಳ್ಳರು ಏನು ಸಿಗದೆ ಬರೀಗೈನಲ್ಲಿ ವಾಪಸ್ ಆಗಿದ್ದಾರೆ.
ಇಂದು ಮುಂಜಾನೆ ಮಾಲೀಕ ವೆಂಕಟೇಶ್ ಮೆಡಿಕಲ್ ಶಾಪ್ ತೆರೆಯಲು ಬಂದಾಗ ಬೀಗ ಹೊಡೆದಿರುವುದು ಬೆಳಕಿಗೆ ಬಂದಿದೆ. ಒಳ ಹೋಗಿ ನೋಡಿದಾಗ ಚಿಲ್ಲರೆ ಹಣ ಹಾಗೂ ಸೋಪ್ ಗಳನ್ನು ಕಳ್ಳತನ ಮಾಡಿದ್ದಾರೆ ಎಂದು ತಿಳಿಸಿದ್ದಾರೆ.
ಮತ್ತೊಂದು ಪ್ರಕರಣದಲ್ಲಿ ಹಳೆ ಪೆಟ್ರೋಲ್ ಬಂಕ್ ಬಳಿ ಇರುವ ಟೀ ನಲ್ಲೂ ಬೀಗ ಹೊಡೆದು ಕ್ಯಾಶ್ ಟೇಬಲ್ ನಲ್ಲಿದ್ದ ಹಣವನ್ನು ದೋಚಿದ್ದಾರೆ. ಕಳ್ಳರ ಕೃತ್ಯ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ.
ಬಾಳ್ಳುಪೇಟೆಯ ಮುಖ್ಯ ವೃತ್ತದಲ್ಲೇ ಈ ಕಳ್ಳತನ ನೆಡೆದಿರುವುದು ವರ್ತಕರಲ್ಲಿ ಆತಂಕ ಹೆಚ್ಚಿಸಿದೆ.ನೈಟ್ ಬಿಟ್ ಪೊಲೀಸರು ರಾತ್ರಿ ವೇಳೆ ಹೆಚ್ಚಿನ ತಪಾಸಣೆ ನೆಡೆಸುವಂತೆ ವರ್ತಕರ ಸಂಘ ಆಗ್ರಹಿಸಿದೆ.
