ಕುಣಿಗಲ್: ಚುನಾವಣೆ ದಿನವೆ ಗ್ರಾ.ಪಂ ಸದಸ್ಯನೋರ್ವನನ್ನು ಕಿಡ್ನಾಪ್ ಮಾಡಿರುವ ವಿಡಿಯೋ ದೃಶ್ಯ ಸಿ.ಸಿ ಟಿವಿಯಲ್ಲಿ ಸೆರೆಯಾಗಿರುವ ಘಟನೆ ತುಮಕೂರು ಜಿಲ್ಲೆ ಎಡೆಯೂರಿನಲ್ಲಿ ನಡೆದಿದೆ.
ತುಮಕೂರು ಜಿಲ್ಲೆ ಕುಣಿಗಲ್ ತಾಲ್ಲೂಕಿನ ಹುಲಿಯೂರು ದುರ್ಗ ಹೋಬಳಿಯ ನಿಡಸಾಲೆ ಗ್ರಾ.ಪ ಸದಸ್ಯ ಮಂಜುನಾಥ್ ಅಪಹರಣಕ್ಕೆ ಒಳಗಾದವರಾಗಿದ್ದಾರೆ. ಜೆಡಿಎಸ್ ಬೆಂಬಲಿತ ಅಭ್ಯರ್ಥಿ ಆಗಿರುವ ಮಂಜುನಾಥ್ ಕಳೆದ ಮೂರು ದಿನಗಳ ಹಿಂದೆ ಸ್ನೇಹಿತರ ಜೊತೆ ಪ್ರವಾಸ ಹೋಗಿದ್ದರು.
ನಿನ್ನೆ ರಾತ್ರಿ ಪ್ರವಾಸ ಮುಗಿಸಿ ನಿಡಸಾಲೆಗೆ ಬರುವಾಗ ಎಡೆಯೂರಿನ ಹೋಟೆಲ್ ಬಳಿ ಊಟಕ್ಕೆ ತೆರಳಿದ್ದರು.
ಈ ವೇಳೆ ಕಾರಿನಲ್ಲಿ ಬಂದ ನಾಲ್ವರು ಅಪರಿಚಿತ ವ್ಯಕ್ತಿಗಳು ರಾಜಾರೋಷವಾಗಿ ಕಾರಿನಲ್ಲಿ ಮಂಜುನಾಥ್ರವರನ್ನು ಕಾರಿನಲ್ಲಿ ಎತ್ತಿಹಾಕಿಕೊಂಡು ಹೋಗಿದ್ದರು.
ಗುರುವಾರ 11ಗಂಟೆಗೆ ನಡೆಯಬೇಕಿದ್ದ ಗ್ರಾ.ಪಂ ಚುನಾವಣೆಯಲ್ಲಿ ಮಂಜುನಾಥ್ ಅಭ್ಯರ್ಥಿಯಾಗಿದ್ದು ಕಾಂಗ್ರೆಸ್ ಕಡೆಯವರು ಮಂಜುನಾಥ್ ರವರನ್ನು ಅಪಹರಣ ಮಾಡಿದ್ದಾರೆಂದು ಮಂಜುನಾಥ್ ಆಪ್ತರು ಹಾಗೂ ಸಂಭಂಧಿಕರು ಆರೋಪಿಸಿದ್ದಾರೆ.
