ಸಕಲೇಶಪುರ: ಪಟ್ಟಣದ ಮಳಲಿ ರಸ್ತೆಯಲ್ಲಿ ಅಗ್ರಹಾರ ಬನ್ನಿ ಮಂಟಪ ಟ್ರಸ್ಟ್ ವತಿಯಿಂದ ಆಯೋಜಿಸಲಾಗಿದ್ದ ಎರಡು ದಿನಗಳ ಹೊನಲು ಬೆಳಕಿನ ಜಿಲ್ಲಾ ಮಟ್ಟದ ಕಬಡ್ಡಿ ಪಂದ್ಯಾವಳಿಯ ಪ್ರಥಮ ಸ್ಥಾನವನ್ನು ಎಂ.ಆರ್.ಎಫ್ ಟೈರ್ ಶೋರೂಂ ಮಾಲಿಕ ಲೋಹಿತ್ ಗೌಡ ಮಾಲಿಕತ್ವದ ಕುಮಾರಲಿಂಗೇಶ್ವರ ತಂಡ ಮೂಡಿಗೆರೆಯ ಮೂನ್ ಸ್ಟಾರ್ ತಂಡದ ವಿರುದ್ದ ಗೆಲುವು ಸಾಧಿಸಿ ಪ್ರಥಮ ಸ್ಥಾನ ಪಡೆಯಿತು. ಕುಮಾರಲಿಂಗೇಶ್ವರ ತಂಡದಲ್ಲಿ ಬಹುತೇಕ ಬೆಂಗಳೂರಿನ ರಾಜ್ಯ‌ಮಟ್ಟದ ಆಟಗಾರರಿದ್ದು ಇವರ ಆಟಕ್ಕೆ ಎದುರಾಳಿಗಳು ತತ್ತರಿಸಿದರು.ಮೂರನೇ ಸ್ಥಾನ ಬನ್ನಿ ಮಂಟಪ ತಂಡ,ನಾಲ್ಕನೇ ಸ್ಥಾನ ಸಕಲೇಶಪುರ ಯೂಥ್ ಸ್ಟಾರ್ ತಂಡ ಪಡೆಯಿತು.ಬೆಂಗಳೂರಿನ ಪ್ರಶಾಂತ್ ಬೆಸ್ಟ್ ರೈಡರ್ ಪ್ರಶಸ್ತಿ ಗೆ ಪಾತ್ರರಾದರು. ಈ ಸಂಧರ್ಭದಲ್ಲಿ ಪುರಸಭಾ ಸದಸ್ಯ ಮುಖೇಶ್ ಶೆಟ್ಟಿ, ಆನೆಮಹಲ್ ಗ್ರಾ.ಪಂ ಸದಸ್ಯ ಹಸೈನಾರ್, ಮಾಜಿ ಪುರಸಭಾ ಸದಸ್ಯ ರುದ್ರಕುಮಾರ್,ವಕೀಲ ಷಣ್ಮುಖ,ಸಂತೋಷ್, ಮಳಲಿ ಗ್ರಾ.ಪಂ ಅಧ್ಯಕ್ಷ ಸತೀಶ್ ಶೆಟ್ಟಿ, ಬನ್ನಿ ಮಂಟಪ ಟ್ರಸ್ಟ್ ನ ರೇವಣ್ಣ, ವಸಂತ, ಸೋಮು ಮುಂತಾದವರು ಹಾಜರಿದ್ದರು.
