ಸಕಲೇಶಪುರ: ಇತ್ತೀಚೆಗೆ ತೆರೆ ಕಂಡ ಕನ್ನಡದ ಅತ್ಯಂತ ಯಶಸ್ವಿ ಚಿತ್ರ ಕಾಂತಾರ ಸಿನಿಮಾ ಉಲ್ಲೇಖಿಸಿ ಆ ದಿನಗಳು ಖ್ಯಾತಿಯ ಚಿತ್ರ ನಟ ಚೇತನ್ ರವರ ಹೇಳಿಕೆಯನ್ನು ಸಮಾಜ ಸೇವಕ ಹೆಬ್ಬಸಾಲೆ ಮಹೇಶ್ ಶೆಟ್ಟಿ ಯವರು ಖಂಡಿಸಿದ್ದಾರೆ.
ನಮ್ಮ ಭಾರತೀಯ ಕಲೆ, ಸಂಸ್ಕೃತಿ, ಆಚಾರ – ವಿಚಾರ ತಿಳಿಯದೆ ಸುಖಾಸುಮ್ಮನೆ ಬಾಲಿಶ ಹೇಳಿಕೆ ನೀಡುವುದರ ಮೂಲಕ ಅದನ್ನು ನಂಬಿದ ಕೋಟ್ಯಾಂತರ ಜನರ ಮನಸ್ಸಿಗೆ ಘಾಸಿಯುoಟುಮಾಡಿದ್ದಾರೆ. ನಮ್ಮ ನಾಡಿನ ಸಂಸ್ಕೃತಿ – ಧರ್ಮದ ಬಗ್ಗೆ ಮಾತನಾಡುವ ಮೊದಲು ನಟ ಚೇತನ್ ಭಾರತೀಯ ಪೌರತ್ವ ಸ್ವೀಕರಿಸಿ ನಂತರ ನಮ್ಮ ಸಂಸ್ಕೃತಿ, ಕಲೆ, ಆಚಾರಗಳ ವಿಷಯದಲ್ಲಿ ಮಾತನಾಡುವುದು ಒಳಿತು, ಇಲ್ಲಿ ಎಡ – ಬಲ ಪಂಥಿಯ ಎಂಬ ಅಭಿಪ್ರಾಯ ಬದಿಗಿಟ್ಟು ಇಡೀ ವಿಶ್ವವೇ ಕೊಂಡಾಡುತ್ತಿರುವ ನಮ್ಮ ಕನ್ನಡ ನೆಲಕ್ಕೆ ಹೆಮ್ಮೆ ತಂದಿರುವ ಚಿತ್ರದ ಬಗ್ಗೆ ಕೊಂಕು ಮಾತನಾಡುವುದನ್ನು ನಿಲ್ಲಿಸಬೇಕು ಎಂದು ಅಗ್ರಹಿಸಿದ್ದಾರೆ.
