ಮನೆ ಮುಂದೆ ನಿಲ್ಲಿಸಿದರು ಕಳ್ಳರು ಬಿಡುವುದಿಲ್ಲ ನಿಮ್ಮ ಕಾರು: ಎಚ್ಚರಿಕೆ

ಸಕಲೇಶಪುರ: ಮನೆ ಮುಂದೆ ನಿಲ್ಲಿಸಿದ್ದ ಕಾರೊಂದು ಕಳುವಾಗಿರುವ ಘಟನೆ ಪಟ್ಟಣದ ಕುಡುಗರಹಳ್ಳಿ ಬಡಾವಣೆಯಲ್ಲಿ ನಡೆದಿದೆ.

  ಪಟ್ಟಣದ ಕುಡುಗರಹಳ್ಳಿ ಬಡಾವಣೆಯ ಮಂಜುನಾಥ್ ಎಂಬುವರ ಕೆಎ-04-ಎಂ.ಡಿ-0539 ನೊಂದಣಿಯ ಮಾರುತಿ ವ್ಯಾಗನಾರ್ ಕಾರೊಂದನ್ನು ಮನೆ ಮುಂದೆ ನಿಲ್ಲಿಸಿದಾಗ ಕೆಲವು ಕಿಡಿಗೇಡಿಗಳು ಕಾರನ್ನು ಕಳವು ಮಾಡಿದ್ದಾರೆ.  ಈ ಹಿನ್ನಲೆಯಲ್ಲಿ ಕಾರನ್ನು ಪತ್ತೆ ಮಾಡಿಕೊಡುವಂತೆ ಮಂಜುನಾಥ್ ರವರು ನಗರ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ. ಇತ್ತೀಚೆಗೆ ತಾಲೂಕಿನಲ್ಲಿ ಕಾರು ಹಾಗೂ ದ್ವಿಚಕ್ರವಾಹನಗಳ ಕಳವು ಹೆಚ್ಚಾಗುತ್ತಿದ್ದು ಈ ಹಿನ್ನಲೆಯಲ್ಲಿ ವಾಹನಗಳ ಮಾಲಿಕರು ಹೆಚ್ಚಿನ ಎಚ್ಚರವಹಿಸಬೇಕಾಗಿದೆ.