ಸಕಲೇಶಪುರ: ಪಟ್ಟಣದ ಹೃದಯ ಭಾಗದ ಶಾಪ್ ಸಿದ್ದೇಗೌಡ ಹಿರಿಯ ಪ್ರಾಥಮಿಕ ಪಾಠಶಾಲೆಯ ಸಮೀಪ ಬಿ.ಎಂ ರಸ್ತೆಯಲ್ಲಿ ಬುಧವಾರ ರಾತ್ರಿ ಎರಡು ಅಂಗಡಿಗಳಲ್ಲಿ ಸರಣಿ ಕಳ್ಳತನ ನಡೆದಿರುವ ಘಟನೆ ಗುರುವಾರ ಬೆಳಗ್ಗೆ ಬೆಳಕಿಗೆ ಬಂದಿದೆ.
ಬಿ ಎಂ ರಸ್ತೆಯಲ್ಲಿರುವ ಸೋನಾ ಶಾಪಿಂಗ್ ಸೆಂಟರ್ ಮತ್ತು ಆಲ್ಫಿಯಾ ತಿಂಡಿ ತಿನಿಸುಗಳ ಅಂಗಡಿಯ ಶೆಟರ್‌ ಮುರಿದು ಕಳ್ಳರು ತಮ್ಮ ಕೈಚಳಕ ತೋರಿಸಿ, ಅಂಗಡಿಯಲ್ಲಿನ ಹಣ ದೋಚಿ ಪರಾರಿಯಾಗಿದ್ದಾರೆ. ಎರಡು ಅಂಗಡಿಗಳ ಸರಣಿ ಕಳ್ಳತನದಿಂದಾಗಿ ಪಟ್ಟಣದ ವ್ಯಾಪಾರಿಗಳ ವಲಯದಲ್ಲಿ ಆತಂಕ ಸೃಷ್ಟಿಯಾಗಿದೆ.
ಕಳ್ಳತನದ ವಿಷಯ ತಿಳಿದು ಸ್ಥಳಕ್ಕೆ ಹೆಚ್ಚುವರಿ ಪೊಲೀಸ್ ವರಿಷ್ಠಾಧಿಕಾರಿ ಮಿಥುನ್ ಭೇಟಿ ನೀಡಿ ಪರಿಶೀಲನೆ ನಡೆಸಿದರು.
ಕಳ್ಳರು ಸೋನಾ ಶಾಪಿಂಗ್ ಸೆಂಟರ್ ನಲ್ಲಿ ಹತ್ತು ಸಾವಿರಕ್ಕೂ ಹೆಚ್ಚು ನಗದು ಹಾಗೂ ಪಕ್ಕದ ಆಲ್ಫಿಯ ತಿಂಡಿ ತಿನಿಸುಗಳ ಅಂಗಡಿಯಿಂದ ಒಂದುವರೆ ಸಾವಿರ ರೂಪಾಯಿ ಕಳ್ಳತನ ಮಾಡಿದ್ದಾರೆ ಎಂದು ಸೋನಾ ಶಾಪಿಂಗ್ ಸೆಂಟರ್ನ ಮಾಲೀಕ ಶಂಸು ದೂರು ಕೊಟ್ಟಿದ್ದಾರೆ
