- ಗುಂಡಿಗೆ ಬಿದ್ದಿದ್ದ ಹಸುವನ್ನು ರಕ್ಷಿಸಿದ ಸ್ಥಳೀಯರು. ಹಸುವನ್ನು ಗುಂಡಿಯಿಂದ ಮೇಲೆತ್ತಿ ಮಾನವೀಯತೆ ಮೆರೆದ ಯುವಕರು. ಕಳೆದ ಎರಡು ದಿನಗಳಿಂದ ಗುಂಡಿಯಲ್ಲಿ ಸಿಲುಕಿ ನರಳಾಡುತ್ತಿದ್ದ ಹಸು.
ಸಕಲೇಶಪುರ: ಗುಂಡಿಗೆ ಬಿದ್ದಿದ್ದ ಹಸುವನ್ನು ಸ್ಥಳೀಯರು ರಕ್ಷಿಸಿ ಮಾನವೀಯತೆ ಮೆರೆದಿರುವ ಘಟನೆ ಹಾಸನ ಜಿಲ್ಲೆ, ಸಕಲೇಶಪು ಪಟ್ಟಣದಲ್ಲಿ ನಡೆದಿದೆ. ಸಕಲೇಶಪುರ ಗ್ರಾಮಾಂತರ ಪೊಲೀಸ್ ಠಾಣೆ ಎದುರು ಬೆಳೆದಿರುವ ಗಿಡ ಗಂಟೆಗಳ ಮಧ್ಯೆಯಿರುವ ನೀರು ತುಂಬಿದ್ದ ಗುಂಡಿಯಿದ್ದು, ಕಳೆದ ಎರಡು ದಿನಗಳಿಂದ ಮೇಯಲು ಹೋದ ವೇಳೆ ಹಾಲು ಕೊಡುವ ಸಾಕಿದ ಹಸು ಸಿಲುಕಿಕೊಂಡಿತ್ತು. ಗುಂಡಿಯಿಂದ ಮೇಲೆ ಬರಲಾರದೆ ಪರದಾಡಿತ್ತು. ಎರಡು ದಿನಗಳಿಂದ ಆಹಾರ, ನೀರು ಇಲ್ಲದೆ ನಿತ್ರಾಣಗೊಂಡಿತ್ತು. ರಸ್ತೆಯಲ್ಲಿ ನೂರಾರು ವಾಹನಗಳು, ಜನರು ಓಡಾಡುತ್ತಿದ್ದರು ಯಾರೂ ಇತ್ತ ಗಮನಹರಿಸಿರಲಿಲ್ಲ. ಇಂದು ಬೆಳಿಗ್ಗೆ ಪಟ್ಟಣದ ನಿವಾಸಿಗಳಾದ ಆರೀಫ್ ಮತ್ತು ತಾಸಿನ್ ಎಂಬುವವರ ನಡೆದುಕೊಂಡು ಹೋಗುತ್ತಿದ್ದ ವೇಳೆ ಹಸು ಗುಂಡಿಯಲ್ಲಿ ಸಿಲುಕಿ ನರಳಾಡುತ್ತಿರುವುದು ಗಮನಿಸಿದ್ದಾರೆ. ಕೂಡಲೇ ಸ್ಥಳೀಯರ ನೆರವಿನೊಂದಿಗೆ ಹಸುವನ್ನು ಮೇಲೆತ್ತಿದ್ದ ಗಾಯಗೊಂಡಿದ್ದ ಹಸುವಿಗೆ ಚಿಕಿತ್ಸೆ ಕೊಡಿಸಿ, ಆಹಾರ ನೀಡಿದ್ದಾರೆ.
