ಜಮ್ಮನಹಳ್ಳಿ ಕೃಷಿ ಪತ್ತಿನ ಸಹಕಾರ ಸಂಘದ ಚುನಾವಣೆ : ಬಿ.ಬಿ ಲೋಕೇಶ್ ತಂಡದ ಅಭ್ಯರ್ಥಿಗಳು ಬಹುತೇಕ ಗೆಲುವು
ಸಕಲೇಶಪುರ : ಪ್ರತಿಷ್ಠೆಯ ಕಣವಾಗಿದ್ದ ಜಮ್ಮನಹಳ್ಳಿ ಕೃಷಿ ಪತ್ತಿನ ಸಹಕಾರದ ಚುನಾವಣೆಯಲ್ಲಿ ಬಾಳ್ಳುಪೇಟೆ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷರಾದ ಬಿ.ಬಿ ಲೋಕೇಶ್ ತಂಡದ ಅಭ್ಯರ್ಥಿಗಳು ಬಹುತೇಕ ಗೆಲುವು ಸಾಧಿಸಿದ್ದಾರೆ.
11 ಜನ ಅಭ್ಯರ್ಥಿಗಳ ತಂಡದಲ್ಲಿ ಆರು ಜನ ಅಭ್ಯರ್ಥಿಗಳು ಗೆಲುವು ಸಾಧಿಸಿ ಅಮೋಘ ಪ್ರದರ್ಶನ ತೋರಿದ್ದಾರೆ.ಮೆಣಸಮಕ್ಕಿ ಕ್ಷೇತ್ರದ ಉದಯ ಶಂಕರ್, ಹಸಗವಳ್ಳಿ ಮಹಿಳಾ ಕ್ಷೇತ್ರದ ಉಷಾ ರಾಣಿ, ಹೆಗ್ಗೋವೇ ಪುಟ್ಟರಾಜು, ಬಸವೇಶ್ವರ ನಗರದ ಸಂಗಪ್ಪ, ಬಾಳ್ಳುಪೇಟೆ ಮಹಿಳಾ ಕ್ಷೇತ್ರ ನೇತ್ರಾವತಿ,ಗೆಲುವು ಮೂಲಕ ಸಂಘಟಿತ ಹೋರಾಟಕ್ಕೆ ಜಯ ಸಿಕ್ಕಿದೆ.
ಬಿ.ಬಿ ಲೋಕೇಶ್ ತಂಡದ ಅಭ್ಯರ್ಥಿಗಳು ಗೆಲುವು ಸಾಧಿಸುತ್ತಿದ್ದಂತೆ ಅಭಿಮಾನಿಗಳು ಬಾಳ್ಳುಪೇಟೆಯ ಗುರುಪ್ಪ ವೃತ್ತದಲ್ಲಿ ಪಟಾಕಿ ಸಿಡಿಸಿ ಸಂಭ್ರಮಾಚರಣೆ ನಡೆಸಿದರು.ಈ ತಂಡದಲ್ಲಿ ವಿಶೇಷವಾಗಿ ಬಿಜೆಪಿ, ಕಾಂಗ್ರೆಸ್ ಹಾಗೂ ಜೆಡಿಎಸ್ ಪಕ್ಷದ ಬೆಂಬಲಿತ ಅಭ್ಯರ್ಥಿಗಳು ಗೆಲುವು ಸಾಧಿಸಿದ್ದಾರೆ. ಮುಂದೆ ನಡೆಯುವ ಜಮನಹಳ್ಳಿ ಕೃಷಿ ಪತ್ತಿನ ಸಹಕಾರ ಸಂಘದ ಅಧ್ಯಕ್ಷರ ಚುನಾವಣೆಯಲ್ಲಿ ಅಧಿಕಾರದ ಚುಕ್ಕಾಣಿ ಹಿಡಿಯುವುದಾಗಿ ಗೆದ್ದ ಅಭ್ಯರ್ಥಿಗಳು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
