ಕರೆದುಕೊಂಡು ಹೋಗಿ ಕಾಂಗ್ರೆಸ್ ಶಾಲು ಹಾಕಿದಕ್ಕೆ ತಿರುಗೇಟು ಕೊಟ್ಟ – ಬಿಜೆಪಿ ಮಾಜಿ ಅಧ್ಯಕ್ಷ ಮಂಜುನಾಥ್ ಸಂಘಿ.
ಸಕಲೇಶಪುರ : ತಾಲೂಕಿನ ಹಾನುಬಾಳು ಹೋಬಳಿ ದೇವಾಲದಕೆರೆ ಶಕ್ತಿ ಕೇಂದ್ರದ ಬೂತ್ ಅಧ್ಯಕ್ಷರುಗಳ ಮತ್ತು ಪ್ರಮುಖರ ಸಭೆಯನ್ನು ಮಂಡಲ ನಿಕಟ ಪೂರ್ವ ಅಧ್ಯಕ್ಷರಾದ ಮಂಜುನಾಥ್ ಸಂಗೀ ಅವರ ನೇತೃತ್ವದಲ್ಲಿ ಚುನಾವಣೆಯ ಕಾರ್ಯತಂತ್ರದ ಬಗ್ಗೆ ಚರ್ಚಿಸಲಾಯಿತು.
ಈ ಸಂದರ್ಭದಲ್ಲಿ ಮರಗುಂದ ಬೂತ್ ಕಾರ್ಯಕರ್ತ ಮಧು ನೆಲಗಹಳ್ಳಿ ಇವರನ್ನು ಕಾಂಗ್ರೆಸ್ಸಿನ ಮುಖಂಡರಾದಂತ ಮುರಳಿ ಮೋಹನ್ ಅವರು ದಾರಿಯಲ್ಲಿ ಹೋಗುವಾಗ ಕರೆದುಕೊಂಡು ಹೋಗಿ ಕಾಂಗ್ರೆಸ್ ಶಾಲು ಹಾಕಿರುತ್ತಾರೆ ಎಂದರಿರುವ ಮಂಜುನಾಥ್ ಸಂಘಿಯವರು ಮಧು ಹೇಳಿಕೆ ಪ್ರಕಾರ ನಾವು ಯಾರು ಬಿಜೆಪಿ ಪಕ್ಷ ಬಿಟ್ಟು ಹೋಗಿರುವುದಿಲ್ಲ ಎಂದು ಸ್ಪಷ್ಟನೆ ನೀಡಿದ ಹಿನ್ನೆಲೆಯಲ್ಲಿ ಸಭೆಯಲ್ಲಿ ಬಿಜೆಪಿ ಪಕ್ಷದ ಶಾಲನ್ನು ಹಾಕಿ ಸಭೆ ನೆಡೆಸಿದ್ದೇವೆ ಎಂದು ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಹಾನುಬಾಳು ಶಕ್ತಿ ಮಹಾ ಶಕ್ತಿ ಕೇಂದ್ರದ ಕಾರ್ಯದರ್ಶಿ ಅನಿಲ್ ಸಂಪಗೋಡು, ಶಕ್ತಿ ಕೇಂದ್ರ ಪ್ರಮುಖ್ ಸುನಿಲ್ ದೇವಲದಕೆರೆ,ಅಭಿ ಕುಮಾರಹಳ್ಳಿ ಪರೀಕ್ಷಿತ್ ದೇವಲದಕೆರೆ ಶಶಿ ಅತ್ತಿ ಬೀಡು, ಗ್ರಾಮ ಪಂಚಾಯತಿ ಸದಸ್ಯರಾದ ದಿನೇಶ್ ಕೊಗರಹಳ್ಳಿ ಮುಂತಾದ ಕಾರ್ಯಕರ್ತರು ಹಾಜರಿದ್ದರು.
