ಸಕಲೇಶಪುರ : ಬೆಳಗೋಡು ಹೋಬಳಿ ಕೇಂದ್ರಕ್ಕೆ ಎಟಿಎಂ ಸ್ಥಾಪನೆ ಕರವೇ ಅಗ್ರಹ.
ಸಕಲೇಶಪುರ :- ಇತ್ತೀಚಿಗೆ ಸಕಲೇಶಪುರ ತಾಲ್ಲೂಕಿನ ಬೆಳಗೋಡು ಹೋಬಳಿ ಶರವೇಗದಲ್ಲಿ ಬೆಳೆಯುತ್ತಿದ್ದು ಆರ್ಥಿಕ ವಹಿವಾಟು, ವಾಣಿಜ್ಯ ಹಾಗೂ ವಿದ್ಯಾರ್ಥಿಗಳ ಸಂಖ್ಯೆ ಹೆಚ್ಚಿಗೆ ಇರುವ ಹಿನ್ನಲೆಯಲ್ಲಿ ಕರ್ನಾಟಕ ಬ್ಯಾಂಕ್ ಶಾಖೆ ವತಿಯಿಂದ ಎಟಿಎಂ ಸ್ಥಾಪನೆ ಮಾಡಬೇಕು ಬ್ಯಾಂಕಿನ ವ್ಯವಸ್ಥಾಪಕರಿಗೆ ಮನವಿ ಸಲ್ಲಿಸಿದರು.
ಈ ವೇಳೆ ಹೋಬಳಿ ಘಟಕ ಅಧ್ಯಕ್ಷ ಇ. ಎಸ್ ರವೀಶ್ ಮಾತನಾಡಿ, ಬೆಳಗೋಡು ಹೋಬಳಿ ವ್ಯಾಪ್ತಿಯಲ್ಲಿ ಜನರು ಹೆಚ್ಚಿನ ಸಂಖ್ಯೆಯಲ್ಲಿದ್ದಾರೆ. ರೈತರು, ಬೆಳೆಗಾರರು ಬ್ಯಾಂಕಿನ ವ್ಯವಹಾರವನ್ನೇ ಅವಲಂಬಿಸಿದ್ದಾರೆ. ತ್ವರಿತವಾಗಿ ಹಣ ಪಡೆಯಲು ಹೆಣಗಾಡುವ ಪರಿಸ್ಥಿತಿ ಎದುರಾಗಿದೆ. ಆದ್ದರಿಂದ ಬ್ಯಾಂಕಿನ ಆಡಳಿತ ಮಂಡಳಿ ಶೀಘ್ರವಾಗಿ ಎಟಿಎಂ ಸ್ಥಾಪನೆ ಮಾಡಬೇಕು ಎಂದು ಅಗ್ರಹ ಮಾಡಿದ್ದಾರೆ.
ನಮ್ಮ ಮನವಿಗೆ ಒಂದು ತಿಂಗಳ ಅವಧಿಯೊಳಗೆ ಎಟಿಎಂ ಸ್ಥಾಪನೆ ಮಾಡದೆ ಇದ್ರೆ ಬ್ಯಾಂಕಿನ ಮುಂಭಾಗ ಹೋರಾಟ ಅಮ್ಮಿಕೊಳ್ಳಲಾಗುವುದು ಎಂದು ಎಚ್ಚರಿಕೆ ನೀಡಿದರು.
ಈ ಸಂಧರ್ಭದಲ್ಲಿ ಕರವೇ ಸಾಮಾಜಿಕ ಜಾಲತಾಣದ ದುಷ್ಯಂತ್ ಸೇರಿದಂತೆ ಕರವೇ ಪದಾಧಿಕಾರಿಗಳು ಕಾರ್ಯಕರ್ತರು ಉಪಸ್ಥಿತರಿದ್ದರು.
