ಹಾಡ್ಲಹಳ್ಳಿ ಮಾರ್ಗವಾಗಿ ನೂತನ ಬಸ್ ಸಂಚಾರಕ್ಕೆ ಶಾಸಕ ಸಿಮೆಂಟ್ ಮಂಜು ಚಾಲನೆ.
ನಿರ್ವಾಹಕ, ಚಾಲಕನನ್ನು ಸನ್ಮಾನಿಸಿದ ಶಾಸಕರು.
ಸಕಲೇಶಪುರ : ಸಕಲೇಶಪುರ, ಹೆತ್ತೂರು,ಕೂಡುರಸ್ತೆ ಮಾರ್ಗವಾಗಿ ಸೋಮವಾರಪೇಟೆಗೆ ಚಲಿಸುವ ಸಾರಿಗೆ ಸಂಸ್ಥೆಯ ಬಸ್ ಗೆ ಬುಧುವಾರ ಪೂಜೆ ನೆರವೇರೆಸಿ ಚಾಲನೆ ನೀಡಿದರು.
ಈ ಹಿಂದೆ ಸಕಲೇಶಪುರದಿಂದ ವಳಲಹಳ್ಳಿ ಮಾರ್ಗವಾಗಿ ಸೋಮವಾರಪೇಟೆ ಗೆ ತಲುಪುತಿದ್ದ ಬಸ್ ಇದೀಗ ಗ್ರಾಮಸ್ಥರು ಶಾಸಕ ಸಿಮೆಂಟ್ ಮಂಜುನಾಥ್ ರವರಿಗೆ ಮನವಿ ಮಾಡಿದ ಹಿನ್ನೆಲೆ ಬೆಳಿಗ್ಗೆ 9:15 ಸಕಲೇಶಪುರದಿಂದ ಹೊರಟು ಹಾಡ್ಲಹಳ್ಳಿ, ಕೂಡುರಸ್ತೆ ಮಾರ್ಗವಾಗಿ ಸೋಮವಾರಪೇಟೆಗೆ 12:00 ಗಂಟೆಗೆ ತಲುಪಲಿದೆ. ಸೋಮವಾರಪೇಟೆಯಿಂದ 12:30 ಬಿಡುವ ಬಸ್ ಸಕಲೇಶಪುರಕ್ಕೆ 2:30 ತಲುಪಲಿದೆ.
ಇದೆ ವೇಳೆ ನೂತನ ಬಸ್ ಸಂಚಾರದ ನಿರ್ವಾಹಕ, ಹಾಗೂ ಚಾಲಕರಿಗೆ ಶಾಸಕರು ಸನ್ಮಾನಿಸಿ ಅಭಿನಂದನೆ ಸಲ್ಲಿಸಿದರು.
ಈ ಸಂಧರ್ಭದಲ್ಲಿ, ಗ್ರಾಮ ಪಂಚಾಯತಿ ಸದಸ್ಯೆ ಭಾಗ್ಯ, ಸದ್ಯಸರಾದ ಡಿಲಾಕ್ಸ್, ಉಮೇಶ್, ನಾಗರಾಜ್ ಗ್ರಾಮಸ್ಥರಾದ ಸುಧಾಕರ್,ಸುರೇಂದ್ರ,ಭುವನ್, ನಾರಾಯಣಸ್ವಾಮಿ, ಬಾಲಸುಬ್ರಮಣ್ಯಂ, ಬಸಪ್ಪ ಸೇರಿದಂತೆ ಮುಂತಾದವರು ಹಾಜರಿದ್ದರು.
