ಸಮಾಜ ಸೇವಕ ಪುನೀತ್ ಬನ್ನಳ್ಳಿ ರವರ ಸೇವೆಯನ್ನು ಶ್ಲಾಘಿಸಿದ ಸಿದ್ದಗಂಗಾ ಶ್ರೀಗಳು.
ಸಕಲೇಶಪುರ : ಬೆಂಗಳೂರಿನಲ್ಲಿ ಉದ್ಯಮಿಯಾಗಿ ಗುರುತಿಸಿಕೊಂಡು ಸಮಾಜ ಸೇವೆ ಮಾಡುತ್ತಿರುವ ತಾಲೂಕಿನ ಅರೆಕೆರೆ ಗ್ರಾಮದ ಪುನೀತ್ ಬನ್ನಳ್ಳಿ ಅವರನ್ನು ಸಿದ್ದಗಂಗಾ ಮಠದ ಪೀಠಾಧ್ಯಕ್ಷರಾದ ಸಿದ್ದಲಿಂಗ ಸ್ವಾಮಿಗಳು ಕೊಂಡಾಡಿದರು.
ಬೊಮ್ಮನಕೆರೆ, ಹರಗರಹಳ್ಳಿಯಲ್ಲಿ ಇಂದು ಮಲ್ಲಿಕಾರ್ಜುನ ಸ್ವಾಮಿ ಟ್ರಸ್ಟ್ ವತಿಯಿಂದ ನಂದೀಶ್ವರ ಸ್ವಾಮಿ ಜಾತ್ರಾ ಮಹೋತ್ಸವದದ ಧಾರ್ಮಿಕ ಸಭೆಯಲ್ಲಿ ಮಾತನಾಡಿದ ಸಿದ್ದಗಂಗಾ ಶ್ರೀಗಳು, ಸಮಾಜದಲ್ಲಿ ಪುನೀತ್ ಅಂತ ಸಮಾಜಸೇವಕರು ಸಿಗುವುದು ವಿರಳ, ಇಲ್ಲಿ ನಡೆಯುತ್ತಿರುವ ಜಾತ್ರಾ ಮಹೋತ್ಸವದ ಸಂಪೂರ್ಣ ಅನ್ನದಾಸೋಹದ ಖರ್ಚು ವೆಚ್ಚವನ್ನು ನೀಡಿದ್ದಾರೆ. ಜೊತೆಗೆ ಸಕಲೇಶಪುರ ನಗರದಲ್ಲಿ ನಿರ್ಮಾಣಗೊಳ್ಳುತ್ತಿರುವ ಬಸವೇಶ್ವರ ಪ್ರತಿಮೆಗೆ ತಗಲುವ ಪೂರ್ಣ ವೆಚ್ಚ 28 ಲಕ್ಷ ರೂಪಾಯಿಗಳಷ್ಟು ಕೊಡುಗೆಯಾಗಿ ನೀಡುತ್ತಿದ್ದಾರೆ. ಇದು ಸೇರಿದಂತೆ ಅನೇಕ ಸಮಾಜಮುಖಿ ಕಾರ್ಯಗಳಲ್ಲಿ ತೊಡಗಿಸಿಕೊಂಡಿರುವ ಪುನೀತ್ ಅವರಿಗೆ ಭಗವಂತ ಒಳ್ಳೇದು ಮಾಡಲಿ ಎಂದು ಗೌರವಿಸಿ ಆಶೀರ್ವಾದ ಮಾಡಿದರು.
