ಸಕಲೇಶಪುರ : ಮುಗಿಯದ ಕೈ ಭಿನ್ನಮತ: ಕೈ ಅಭ್ಯರ್ಥಿ ಮುರುಳಿ ಮೋಹನ್ ವಿರುದ್ದ ಗೊಂದಲ ಸೃಷ್ಠಿಸಲು ಯತ್ನ.
ಸುಳ್ಳು ಹೇಳಿ ಪ್ರತಿಭಟನೆಗೆ ಕರೆದುಕೊಂಡು ಹೋದವರ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದ ಮಹಿಳಾ ಕಾರ್ಯಕರ್ತೆಯರು
ಸಕಲೇಶಪುರ: ಕಾಂಗ್ರೆಸ್ ಮುಖಂಡ ರಾಹುಲ್ ಗಾಂಧಿ ಲೋಕಸಭಾ ಸದಸ್ಯ ಸ್ಥಾನದಿಂದ ಅನರ್ಹರಾಗಿರುವ ಹಿನ್ನೆಲೆಯಲ್ಲಿ ಹಾಸನದಲ್ಲಿ ಪ್ರತಿಭಟನೆ ಮಾಡಲಾಗುತ್ತದೆಂದು ಮಹಿಳೆಯರ ಗುಂಪೊಂದನ್ನು ಕಾಂಗ್ರೆಸ್ ಅಭ್ಯರ್ಥಿ ಮುರುಳಿ ಮೋಹನ್ ವಿರೋಧಿ ಬಣವೊಂದು ಹಾಸನಕ್ಕೆ ಕರೆದೊಯ್ದಿದ್ದು ಆದರೆ ಅಲ್ಲಿ ನೋಡಿದರೆ ಬಲಗೈ ಜನಾಂಗಕ್ಕೆ ಮುರುಳಿ ಮೋಹನ್ ಸೇರಿಲ್ಲ ಈ ಹಿನ್ನೆಲೆಯಲ್ಲಿ ಅವರಿಗೆ ಕಾಂಗ್ರೆಸ್ ಬಿ-ಫಾರಂ ನೀಡಬಾರದೆಂದು ಪ್ರತಿಭಟನೆ ನಡೆದಿದ್ದರಿಂದ ಪ್ರತಿಭಟನೆಗೆ ಬಂದಿದ್ದ ಮಹಿಳೆಯರು ವಿಚಲಿತರಾಗಿ ನಾವು ಮುರುಳಿ ಮೋಹನ್ ಪರ ಇದ್ದೇವೆ, ರಾಹುಲ್ ಗಾಂಧಿ ಸಂಸದ ಸ್ಥಾನದಿಂದ ಅನರ್ಹರಾದ ಹಿನ್ನೆಲೆಯಲ್ಲಿ ಪ್ರತಿಭಟನೆ ಎಂದು ನಮ್ಮನ್ನು ಕರೆತರಲಾಗಿತ್ತು. ಮುರುಳಿ ಮೋಹನ್ ಈ ಕ್ಷೇತ್ರಕ್ಕೆ ಉತ್ತಮ ಕಾಂಗ್ರೆಸ್ ಅಭ್ಯರ್ಥಿ ಅವರ ವಿರುದ್ದ ಗೊಂದಲ ಸೃಷ್ಟಿಸುವುದು ಸರಿಯಲ್ಲ ಎಂದು ಮಹಿಳೆಯರು ಪ್ರತಿಭಟನೆಗೆ ಕರೆದೊಯ್ದವರ ಮೇಲೆ ಆಕ್ರೋಷ ವ್ಯಕ್ತಪಡಿಸಿದರು.
