ಬ್ರೇಕಿಂಗ್ ನ್ಯೂಸ್: ಸಕಲೇಶಪುರ ತಾಲೂಕಿನ ಪ್ರತಿಷ್ಠಿತ ವ್ಯಕ್ತಿಯೋರ್ವರಿಗೆ ಹನಿಟ್ರ್ಯಾಪ್ ಮೂಲಕ ಅತ್ಯಾಚಾರ ಪ್ರಕರಣ ದಾಖಲಿಸುವ ಯತ್ನ
ಸಕಲೇಶಪುರ: ತಾಲೂಕಿನ ಹಾನುಬಾಳ್ ಹೋಬಳಿಯಲ್ಲಿ ಐದು ಜನರ ತಂಡವೊಂದು ಇದೇ ಹೋಬಳಿ ವ್ಯಾಪ್ತಿಯ ಪ್ರತಿಷ್ಠಿತ ವ್ಯಕ್ತಿಯೋರ್ವರ ಮೇಲೆ ಯುವತಿಯೊರ್ವಳಿಗೆ ಹಣ ಕೊಡುವ ಆಮಿಷವೊಡ್ಡಿ ಸುಳ್ಳು ಅತ್ಯಾಚಾರ ಪ್ರಕರಣ ದಾಖಲಿಸಲು ಮುಂದಾಗಿದ್ದ ಪ್ರಕರಣವೊಂದು ಹೊರ ಬಂದಿದೆ.
ಹಾನುಬಾಳ್ ಹೋಬಳಿಯ ಮೂವರು ರೆಸಾರ್ಟ್ ಮಾಲಿಕರು ಸೇರಿದಂತೆ ಇನ್ನಿಬ್ಬರನ್ನು ಒಳಗೊಂಡ ಒಟ್ಟು 5 ಮಂದಿಯ ತಂಡ ವೈಯುಕ್ತಿಕ ದ್ವೇಷದ ಹಿನ್ನೆಲೆಯಲ್ಲಿ ಇದೇ ಹೋಬಳಿಯ ಪ್ರತಿಷ್ಠಿತ ವ್ಯಕ್ತಿಯೋರ್ವರ ಮೇಲೆ ಯುವತಿಯೋರ್ವಳಿಗೆ ಹಣದ ಆಮಿಷ ಒಡ್ಡಿ ಆ ವ್ಯಕ್ತಿಯನ್ನು ಹನಿಟ್ರ್ಯಾಪ್ ನಲ್ಲಿ ಕೆಡವಿ ಅತ್ಯಾಚಾರ ಪ್ರಕರಣ ದಾಖಲಿಸುವಂತೆ ಒತ್ತಾಯಿಸಿರುವುದು ತಿಳಿದು ಬಂದಿದೆ.ಆದರೆ ಅದೃಷ್ಟವಷಾತ್ ಯುವತಿ ಹನಿಟ್ರ್ಯಾಪ್ ಮಾಡಲು ಮುಂದಾಗಿಲ್ಲವೆಂದು ತಿಳಿದು ಬಂದಿದೆ.
