ಬಾಳ್ಳುಪೇಟೆ : ಯುರೋ ಕಿಡ್ಸ್ ನಲ್ಲಿ 2 ನೇ ವರ್ಷದ ವಾರ್ಷಿಕೋತ್ಸವದ ಸಂಭ್ರಮ.
ಸಕಲೇಶಪುರ : ತಾಲ್ಲೂಕಿನ ಬಾಳ್ಳುಪೇಟೆಯಲ್ಲಿರುವ ಪ್ರತಿಷ್ಠಿತ ಯುರೋ ಕಿಡ್ಸ್ ನಲ್ಲಿ ಎರಡನೇ ವಾರ್ಷಿಕೋತ್ಸವ ಸಂಭ್ರಮದಿಂದ ನೆರವೇರಿತು.
ಕಳೆದ ಎರಡು ವರ್ಷಗಳಿಂದ ಪ್ಲೇ ಹೋಂ,ನರ್ಸರಿ, ಎಲ್. ಕೆ. ಜಿ, ಯು ಕೆ. ಜಿ ತರಗತಿಯಲ್ಲಿ ಹೆಸರುವಾಸಿಯಾಗಿರುವ ಯುರೋ ಕಿಡ್ಸ್ ನಲ್ಲಿ ಶನಿವಾರ ಸಂಜೆ ಪೋಷಕರು, ವಿದ್ಯಾರ್ಥಿಗಳು ಹಾಗೂ ಶಿಕ್ಷಕರಲ್ಲಿ ವರ್ಷಚಾರಣೆಯಲ್ಲಿ ಸಂಭ್ರಮ ಮನೆ ಮಾಡಿತ್ತು.
ಕಾರ್ಯಕ್ರಮದಲ್ಲಿ ಬಿ. ಸಿದ್ದಣ್ಣಯ್ಯ ಶಾಲೆಯ ನಿವೃತ್ತ ಮುಖ್ಯ ಶಿಕ್ಷಕರಾದ ದಿವಾಕರ್ ಮಾತನಾಡಿ, ಮನುಷ್ಯನಗಿಂತ ಮನುಷತ್ವ ಮುಖ್ಯ. ವಿದ್ಯಾರ್ಥಿಗಳು ಸಂಸ್ಕಾರ ಕಲಿಯಬೇಕು ಇದಕ್ಕೆ ಪೋಷಕರು ಸಹಕರಿಸಬೇಕುಎಂದರು.ಶಿಕ್ಷಣದ ಮಹತ್ವ ಜೊತೆಗೆ ಸಾಮಾಜಿಕ ಸೇವೆಗಳ ಬಗ್ಗೆ ಹರಿವು ಮುಖ್ಯ ಎಂದು ಕಿವಿ ಮಾತು ಹೇಳಿದರು.
ಇದೇ ವೇಳೆ ಶಾಲೆಯ ಮಕ್ಕಳು ವಿವಿಧ ಆಟೋಟಗಳಲ್ಲಿ ಭಾಗವಹಿಸಿ ಗೆದ್ದವರಿಗೆ ಬಹುಮಾನ ವಿತರಣೆ ಮಾಡಲಾಯಿತು. ನಂತರ ಸಾಂಸ್ಕೃತಿಕ ಕಾರ್ಯಕ್ರಮ ನೆಡೆಯಿತು.
ಈ ಸಂಧರ್ಭದಲ್ಲಿ ಪಿಎಸ್ಐ ಬಸವರಾಜ್,ಸಾಹಿತಿ ಯಡೇಹಳ್ಳಿ ಮಂಜುನಾಥ್,ಸಕಲೇಶಪುರದ ವೈದ್ಯರಾದ ನವೀನ್ ಚಂದ್ರ ಶೆಟ್ಟಿ, ಎಪಿಎಂಸಿ ಮಾಜಿ ಅಧ್ಯಕ್ಷ ಕವನ್ ಗೌಡ, ಸಮಾಜ ಸೇವಕರಾದ ಲೋಕೇಶ್, ಯುರೋ ಕಿಡ್ಸ್ ನ ರಘು, ರಾಕೇಶ್, ಜೆಡಿಎಸ್ ಮುಖಂಡ ಉದೀಶ್ ಲೋಕೇಶ್ ಸೇರಿದಂತೆ ಮುಂತಾದವರು ಇದ್ದರು.
