ಸಕಲೇಶಪುರದ ಸಮನ್ವಿ ಎಚ್.ಆರ್ ಗೆ ರಾಜ್ಯ ಮಟ್ಟದ ಪುಟ್ಟ ಕಲಾವಿದೆ ಪ್ರಶಸ್ತಿ
ಬಣ್ಣದಮನೆ ಸಾಂಸ್ಕೃತಿಕ ವೇದಿಕೆ ಗದಗ ಹಾಗೂ ಕರ್ನಾಟಕ ಬಾಲ ವಿಕಾಸ ಅಕಾಡೆಮಿ, ಧಾರವಾಡ ಇವರ ಸಂಯಕ್ತ ಆಶ್ರಯದಲ್ಲಿ ನಡೆದ ರಾಜ್ಯ ಮಟ್ಟದ ಮಕ್ಕಳ ಚಿತ್ರ ಕಲೋತ್ಸವದಲ್ಲಿ ಸಕಲೇಶಪುರ ಪಟ್ಟಣದ ರೋಟರಿ ಆಂಗ್ಲ ಶಾಲೆಯಲ್ಲಿ 10 ನೇ ತರಗತಿಯಲ್ಲಿ ವ್ಯಾಸಂಗ ಮಾಡುತಿರುವ ಸಮನ್ವಿ ಎಚ್ ಆರ್ *ಪ್ರತಾಪ್ ಬಹುರೂಪಿ ಪುಟ್ಟ ಕಲಾವಿದೆ* ಪ್ರಶಸ್ತಿಗೆ ಭಾಜನರಾಗಿದ್ದಾರೆ.
ಸೋಮವಾರ ಗದಗ ಜಿಲ್ಲೆಯಲ್ಲಿ ನಡೆದ *ಚಿಣ್ಣರ ಚಿತ್ರ ಚಿತ್ತಾರ ಚಿತ್ರ ಕಲೋತ್ಸವ 2022* ಕಾರ್ಯಕ್ರಮದಲ್ಲಿ ಪ್ರಶಸ್ತಿ ಯನ್ನು ಸ್ವೀಕಾರ ಮಾಡಿದ ಸಮನ್ವಿ ಎಚ್.ಆರ್ ಪಟ್ಟಣದ ರವಿ ಪ್ರಿಂಟರ್ಸ್ ಮಾಲೀಕರಾದ ರವಿಶಂಕರ್ ಹೆಚ್.ಎನ್ ಹಾಗೂ ಅನುರಾಧ ಹೆಚ್.ಜಿ ದಂಪತಿಗಳ ಪುತ್ರಿಯಾಗಿದ್ದಾಳೆ. ಉತ್ತಮ ಚಿತ್ರ ಕಲಾವಿದೆಯಾಗಿರುವ ಸಮನ್ವಿ ಹಲವು ಚಿತ್ರಕಲಾ ಪ್ರದರ್ಶನದಲ್ಲಿ ಭಾಗವಹಿಸಿ ಎಲ್ಲಾರ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ.
