ಸಕಲೇಶಪುರದಲ್ಲಿ NDA ಅಭ್ಯರ್ಥಿ ಹೆಚ್ಚಿನ ಮತ – ಶಾಸಕ ಸಿಮೆಂಟ್ ಮಂಜು:ನಗರದಲ್ಲಿ ಮನೆ ಮನೆ ಪ್ರಚಾರಕ್ಕೆ ಚಾಲನೆ
ಸಕಲೇಶಪುರ; ಸಕಲೇಶಪುರ ವಿಧಾನಸಭಾ ಕ್ಷೇತ್ರದಲ್ಲಿ ಎನ್‌ಡಿಎ ಅಭ್ಯರ್ಥಿಗೆ ಐವತ್ತು ಸಾವಿರ ಮತಗಳ ಮುನ್ನಡೆ ದೊರೆಯಲಿದೆ ಎಂದು ಶಾಸಕ ಸಿಮೆಂಟ್ ಮಂಜು ಹೇಳಿದರು.
ಬುಧುವಾರ ಪಟ್ಟಣದ ಸಕಲೇಶ್ವಸ್ವಾಮಿ ದೇವಸ್ಥಾನದಲ್ಲಿ ಪೂಜೆ ಸಲ್ಲಿಸಿ ಎನ್‌ಡಿಎ ಅಭ್ಯರ್ಥಿ ಪ್ರಜ್ವಲ್ ರೇವಣ್ಣ ಪರವಾಗಿ ಮನೆಮನೆ ಪ್ರಚಾರಕ್ಕೆ ಚಾಲನೆ ನೀಡಿ ಮಾತನಾಡಿ, ಕ್ಷೇತ್ರದಲ್ಲಿ ಎನ್‌ಡಿಎ ಪರವಾಗಿ ಅಲೆಎದ್ದಿದ್ದು ಈ ಅಲೆಯನ್ನು ಇನ್ನಷ್ಟು ತೀವ್ರಗೊಳಿಸುವ ನಿಟ್ಟಿನಲ್ಲಿ ಇಂದಿನಿAದ ಕ್ಷೇತ್ರದ್ಯಾಂತ ಮನೆಮನೆ ಪ್ರಚಾರಕ್ಕೆ ಚಾಲನೆ ನೀಡಲಾಗುತ್ತಿದ್ದು ಪ್ರತಿಯೊಂದು ಮನೆಗಳಿಗೂ ಎರಡು ಪಕ್ಷದ ಕಾರ್ಯಕರ್ತರು ಭೇಟಿ ನೀಡಿ ಕೇಂದ್ರ ಸರ್ಕಾರದ ಯೋಜನೆಗಳ ಬಗ್ಗೆ ತಿಳಿಸುವ ಮೂಲಕ ಮತಯಾಚಿಸಿ. ಕ್ಷೇತ್ರದ ಜನತೆ ಪ್ರಜ್ಞಾವಂತರಾಗಿದ್ದು ಯಾವುದೆ ಅಮಿಷಕ್ಕೂ ಬಳಗಾಗದೆ ಪ್ರಧಾನಿ ನರೇಂದ್ರ ಮೋದಿಯನ್ನು ಮತ್ತೊಮ್ಮೆ ಪ್ರಧಾನಿ ಮಾಡುವ ನಿಟ್ಟಿನಲ್ಲಿ ಮತ ಚಲಾಯಿಸಲಿದ್ದಾರೆ ಎಂದರು.
ಮಾಜಿ ಶಾಸಕ ಎಚ್.ಕೆ ಕುಮಾರಸ್ವಾಮಿ ಮಾತನಾಡಿ, ಪ್ರಧಾನಿ ನರೇಂದ್ರಮೋದಿಯಂತ ನಾಯಕತ್ವಕ್ಕೆ ಸದ್ಯದ ಪರಿಸ್ಥಿತಿಯಲ್ಲಿ ಅವಶ್ಯಕತೆ ಇದ್ದು ಈ ಬಾರಿ ನಾಲ್ಕನೂರಕ್ಕೂ ಅಧಿಕ ಸ್ಥಾನಗಳು ಬಂದರೆ ಸಾಕಷ್ಟು ಐತಿಹಾಸಿಕ ನಿರ್ಣಯಗಳು ಕೈಗೊಳ್ಳಲು ಸಾದ್ಯ ಎಂದರು.
ಮಾಜಿ ಶಾಸಕ ಬಿ. ಆರ್ ಗುರುದೇವ್ ಮಾತನಾಡಿ, ರಾಮನವಮಿ ದಿನದಂದೆ ಮನೆ ಮನೆ ಪ್ರಚಾರಕ್ಕೆ ಚಾಲನೆ ನೀಡಿದ್ದೇವೆ. ಮೈತ್ರಿ ಪಕ್ಷದ ಅಭ್ಯರ್ಥಿ ವಿಜಯ ಸಾದಿಸುವುದರಲ್ಲಿ ಯಾವುದು ಅನುಮಾನ ಬೇಡ. ಜನರು ಕಾಂಗ್ರೆಸ್ ಪಕ್ಷದ ದುರಡಳಿತದಿಂದ ಬೇಸತ್ತಿದ್ದು ಈ ಬಾರಿ ಎನ್ ಡಿ ಎ ಅಭ್ಯರ್ಥಿಯನ್ನು ಕೈ ಹಿಡಿಯಲಿರಿದ್ದಾರೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಈ ವೇಳೆ ಮಾಜಿ ಶಾಸಕರಾದ ಗುರುದೇವ್,ವಿಶ್ವನಾಥ್,ಬಾಳ್ಳುಮಲ್ಲಿಕಾರ್ಜುನ್,ಕೆ.ಎಲ್ ಸೋಮಶೇಖರ್ ಮುಂತಾದವರಿದ್ದರು.
