ಶುಕ್ರವಾರ ಪಿಡಿಓ ಗಿರೀಶ ಕುಮಾರ (*ಸತ್ಯರಂಗಸುತ*)ರವರ ಎರಡು ಕೃತಿ ಸಕಲೇಶಪುರದ ರೋಟರಿ ಸಭಾಂಗಣದಲ್ಲಿ ಬಿಡುಗಡೆ

ಸಕಲೇಶಪುರ ; ಸತ್ಯರಂಗಸುತ ಕಾವ್ಯನಾಮದಲ್ಲಿ ಅನೇಕ ಕವನ ಹಾಗೂ ಲೇಖನಗಳನ್ನು ಬರೆಯುತ್ತಿರುವ ಪಿಡಿಓ ಹೆಚ್ ಆರ್ ಗಿರೀಶ್ ಕುಮಾರ ರವರ ಎರಡು ಕೃತಿಗಳು ಶುಕ್ರವಾರ ಲೊಕಾರ್ಪಣೆ ಗೊಳ್ಳಲಿದೆ.
ತಾಲ್ಲೊಕು ಕನ್ನಡ ಸಾಹಿತ್ಯ ಪರಿಷತ್ ವತಿಯಿಂದ ತಾಲ್ಲೊಕಿನ ಬಿರಡಹಳ್ಳಿ ಗ್ರಾಮ ಪಂಚಾಯಿತಿಯ ಪಿಡಿಓ ಆಗಿರುವ ಗಿರೀಶ್ ಕುಮಾರ ರವರ *ನೀರಿಕ್ಷೆ* ಎಂಬ ಕವನ ಸಂಕಲನ ಹಾಗೂ *ಬನ್ನಿ ಒಮ್ಮೆ ಪ್ರಯತ್ನಿಸೋಣ* ಎಂಬ ಲೇಖನ ಸಂಕಲನಗಳ ಕೃತಿ  19/05/2023 ಶುಕ್ರವಾರ ಸಂಜೆ 4.00 ಗಂಟೆಗೆ ರೋಟರಿ ಸಭಾಂಗಣದಲ್ಲಿ ಲೊಕರ್ಪಣೆಗೊಳ್ಲಲಿದೆ. ಈ ಕಾರ್ಯಕ್ರಮವನ್ನು ಹಾಸನ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷರಾದ ಎಚ್ ಎಲ್ ಮಲ್ಲಶ್ ಗೌಡರವರು ಉದ್ಘಾಟನೆ ಮಾಡಲಿದ್ದಾರೆ. ಕೃತಿಗಳನ್ನು ಜಾನಪದ ಕಲಾವಿದಾರ ಅಪ್ಪಗೆರೆ ತಿಮ್ಮರಾಜು ರವರು ಮತ್ತು ನೂತನ ಶಾಸಕ ಸಿಮೆಂಟ್ ಮಂಜುರವರು ಬಿಡುಗಡೆ ಮಾಡಲಿದ್ದಾರೆ. ಮುಖ್ಯ ಅತಿಥಿಗಳಾಗಿ ರಂಗ ಕರ್ಮಿ ಪ್ರಸಾದ್ ರಕ್ಷಿದಿರವರು, ಚಲಂ ಹಾಡ್ಲಹಳ್ಲಿ ರವರು ರೋಟರಿ ಸಂಸ್ಥೆಯ ಅಧ್ಯಕ್ಷರು ಸಹನ ಶಶಿಧರ, ಯುವ ಸಾಹಿತಿ ರಾಜೇಶ್ ಹೋನ್ನೆನಹಳ್ಳಿ, ತಾಲ್ಲೊಕು ಪಂಚಾಯಿತಿ ಕಾರ್ಯನಿರ್ವಹಣಾಧಿಕಾರಿ ಆರ್ ರಾಮಕೃಷ್ಣ ರವರು ಮುಂತಾದವರು ಪಾಲ್ಗೊಳ್ಳಲಿದ್ದಾರೆ. ಕಾರ್ಯಕ್ರಮದ ಅಧ್ಯಕ್ಷತೆ ತಾಲ್ಲೊಕು ಕನ್ನಡ ಸಾಹಿತ್ಯ ಪರಿಷತಿನ ಅಧ್ಯಕ್ಷೆ ಶಾರದ ಗುರುಮೂರ್ತಿ ರವರು ವಹಿಸಲಿದ್ದು ಈ ಕಾರ್ಯಕ್ರಮಕ್ಕೆ ಎಲ್ಲಾ ಸಾಹಿತ್ಯ ಆಸಕ್ತರು ಪರಿಷತಿನ ಸದಸ್ಯರು ಆಗಮಿಸ ಬೆಕಾಗಿ ಕೊರಲಾಗಿದೆ.