ಲಯನ್ಸ್ ಕ್ಲಬ್ ವತಿಯಿಂದ ಉಚಿತ ಆರೋಗ್ಯ ತಪಾಸಣಾ ಶಿಬಿರ

ಸಕಲೇಶಪುರ: ಲಯನ್ಸ್ ಕ್ಲಬ್ ಸಕಲೇಶಪುರ ಹಾಗೂ ರಾಕೇಶ್ ನೇತ್ರಾಲಯ ಹಾಸನರವರ ಸಂಯುಕ್ತಾಶ್ರಯದಲ್ಲಿ
ವಿಶ್ವ ಮಧುಮೇಹ ದಿನಾಚರಣೆಯ ಪ್ರಯುಕ್ತ ಉಚಿತ ಆರೋಗ್ಯ ತಪಾಸಣಾ ಶಿಬಿರ (ಡಯಾಬಿಟಿಸ್, ರಕ್ತದೊತ್ತಡ, ಅಸ್ತಮಾ, ಕಣ್ಣಿನ ತಪಾಸಣೆ, ಕಿಡ್ನಿ ತಪಾಸಣೆ, ಹೃದಯ ತಪಾಸಣೆ) ಕಾರ್ಯಕ್ರಮವನ್ನು ದಿನಾಂಕ 13-11-2022 ಭಾನುವಾರ, ಸಮಯ : ಬೆಳಗ್ಗೆ 8-00 ರಿಂದ ಮಧ್ಯಾಹ್ನ 12-00 ಗಂಟೆಯವರೆಗೆ ಪಟ್ಟಣದ ಬಿ.ಎಮ್ ರಸ್ತೆಯಲ್ಲಿರುವ ಲಯನ್ಸ್ ಸೇವಾ ಮಂದಿರದಲ್ಲಿ ಆಯೋಜಿಸಲಾಗಿದೆ.
ವಿಷಯ ಸೂಚನೆ; ಬಿ.ಪಿ, ಶುಗರ್ ಇರುವವರು ಕಾಫಿ, ಟೀ ಹಾಗೂ ಶುಗರ್‌ ಮಾತ್ರೆ ತೆಗೆದುಕೊಳ್ಳದೆ (ನೀರು ಕುಡಿಯಬಹುದು) ಬೆಳಿಗ್ಗೆ ಖಾಲಿ ಹೊಟ್ಟೆಯಲ್ಲಿ ಬರಬೇಕು, ಖಾಲಿ ಹೊಟ್ಟೆಯಲ್ಲಿ ಬ್ಲಡ್ ಶುಗರ್ ಪರೀಕ್ಷೆ ಮಾಡಲಾಗುವುದು ಹಾಗೂ ತಿಂಡಿ ತಿಂದ ನಂತರ ಪುನಃ ಬ್ಲಡ್ ಶುಗರ್‌ ಪರೀಕ್ಷೆ ಮಾಡಲಾಗುವುದು. ಪ್ರತಿಯೊಬ್ಬರಿಗೂ ಉಚಿತವಾಗಿ ಕಣ್ಣಿನ ತಪಾಸಣೆಯನ್ನು ಮಾಡಿ ಸೂಕ್ತ ಸಲಹೆ ನೀಡಲಾಗುವುದು, ಅಗತ್ಯ ಇರುವವರಿಗೆ ರಿಯಾಯಿತಿ ದರದಲ್ಲಿ ಕನ್ನಡಕವನ್ನು ನೀಡಲಾಗುವುದು ಹಾಗೂ ಉಚಿತವಾಗಿ ಇ.ಸಿ.ಜಿ ಮಾಡಲಾಗುವುದು.
ಮೊದಲು ಬಂದವರಿಗೆ ಪ್ರಥಮ ಆದ್ಯತೆ ನೀಡಲಾಗುವುದು ಹಾಗೂ ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕೆಂದು ಲಯನ್ಸ್ ತಾಲೂಕು ಅಧ್ಯಕ್ಷ ಜಯಶಂಕರ್ ಮನವಿ ಮಾಡಿದ್ದಾರೆ.