ಅರಣ್ಯ ಪ್ರದೇಶದ ಸ್ವಚ್ಛತೆಗೆ ಇಳಿದ್ರು ಅರಣ್ಯಾಧಿಕಾರಿಗಳು, ‘ಕಾಡಲ್ಲಿ ಗಾಜು, ಪ್ಲಾಸ್ಟಿಕ್ ಬಿಸಾಡಬೇಡಿ

ಸಕಲೇಶಪುರ :- ಅರಣ್ಯ ಪ್ರದೇಶದಲ್ಲಿ ಹಾದು ಹೋಗುವ ಜನರು ಅರಣ್ಯದಲ್ಲೇ ಕಸ ಪ್ಲಾಸ್ಟಿಕ್​ ಎಸೆಯುತ್ತಿದ್ದಾರೆ. ಅರಣ್ಯಾಧಿಕಾರಿಗಳೇ ಕಾಡು ಕ್ಲೀನ್ ಮಾಡಲು ಮುಂದಾಗಿದ್ದಾರೆ.

68ನೇ ವನ್ಯಜೀವಿ ಸಪ್ತಾಹದ ಅಂಗವಾಗಿ ಅರಣ್ಯ ಸಂರಕ್ಷಣಾಧಿಕಾರಿ ಡಾ|| ಕೆ. ಎನ್ ಬಸವರಾಜ್ ನೇತೃತ್ವದಲ್ಲಿ ಅಧಿಕಾರಿಗಳು ಹಾಗೂ ಸಿಬ್ಬಂದಿ ವರ್ಗದವರು ಬಿಸಲೆ ವೀಕ್ಷಣಾ ತಾಣದಿಂದ ಗಡಿಯವರೆಗೆ ರಸ್ತೆಯ ಇಕ್ಕಲಗಳಲ್ಲಿದ್ದ ಪ್ಲಾಸ್ಟಿಕ್,ಗಾಜಿನ ಬಾಟಲ್ ಗಳು ಸೇರಿದಂತೆ ಇನ್ನಿತರ ಸಂಗ್ರಹಿಸುವ ಮೂಲಕ ಸ್ವಚ್ಛತೆ ನಡೆಸಿದರು.

ಈ ಸಂಧರ್ಭದಲ್ಲಿ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ಸುರೇಶ್, ಯಸಳೂರು ವಲಯ ಅರಣ್ಯ ಅಧಿಕಾರಿ ಜಗದೀಶ್ ಸೇರಿದಂತೆ ಅರಣ್ಯ ರಕ್ಷಕರು , ಹಾಗೂ ಸಿಬ್ಬಂದಿಗಳು ಸ್ವಚ್ಛತಾ ಕಾರ್ಯದಲ್ಲಿ ಪಾಲ್ಗೊಂಡಿದ್ದರು