ಗ್ರಾಮ ಪಂಚಾಯತಿ ಎರಡು ಸ್ಥಾನಗಳಿಗೆ ಉಪ ಚುನಾವಣೆ ಬಿಜೆಪಿ ಜಯಭೇರಿ

ಸಕಲೇಶಪುರ : ಗ್ರಾಮ ಪಂಚಾಯತಿ ಎರಡು ಸ್ಥಾನಗಳಿಗೆ ಉಪ ಚುನಾವಣೆ ಬಿಜೆಪಿ ಜಯಭೇರಿ 

ಸಕಲೇಶಪುರ : ತಾಲೂಕಿನ ಎರಡು ಗ್ರಾಮ ಪಂಚಾಯತಿಗಳ ಉಪ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತ ಅಭ್ಯರ್ಥಿಗಳು ಜಯಭೇರಿ ಬಾರಿಸಿದ್ದಾರೆ.

ಯಸಳೂರು ಹೋಬಳಿಯ ಚಂಗಡಿಹಳ್ಳಿ ಮತ್ತು ಕುರುಭತ್ತೂರು ಗ್ರಾಮ ಪಂಚಾಯಿತಿಗಳ ತಲಾ ಒಂದು ಸ್ಥಾನಕ್ಕೆ ಚುನಾವಣೆ ನೆಡೆದಿತ್ತು.

ಚಂಗಡಿಹಳ್ಳಿ ಗ್ರಾಪಂಯ ಹೇರೂರು ಸಾಮಾನ್ಯ ಕ್ಷೇತ್ರದಿಂದ ನಾಗನಹಳ್ಳಿಯ ಎನ್. ಎಂ ಮಧು ಮತ್ತು ಕುರುಭತ್ತೂರು ಗ್ರಾಮ ಪಂಚಾಯತಿಯ ಆದರಗೆರೆ ಕ್ಷೇತ್ರದ ಸಾಮಾನ್ಯ ವರ್ಗದ ಸದಸ್ಯ ಸ್ಥಾನಕ್ಕೆ ಎ. ಡಿ ಸತ್ಯಜಿತ್ ಜಯ ಗಳಿಸಿದ್ದಾರೆ.

ಚಂಗಡಿಯಳ್ಳಿ ಗ್ರಾಮ ಪಂಚಾಯಿತಿಯಲ್ಲಿ ಒಂದು ಸದಸ್ಯ ಸ್ಥಾನಕ್ಕೆ 3 ಜನ ಅಭ್ಯರ್ಥಿಗಳು ಸ್ಪರ್ಧೆ ಮಾಡಿದ್ದು ಹೇರೂರು ಮಧು-248,ವಿಶ್ವನಾಥ್-173,ಅಶೋಕ-49 ಮತಗಳನ್ನು ಪಡೆದಿದ್ದಾರೆ.

ಕುರುಭತ್ತೂರು ಗ್ರಾಮ ಪಂಚಾಯಿತಿಯಲ್ಲಿ 1 ಸಾಮಾನ್ಯ ವರ್ಗದ ಸದಸ್ಯ ಸ್ಥಾನಕ್ಕೆ 4 ಜನ ಅಭ್ಯರ್ಥಿಗಳು ಸ್ಪರ್ಧೆ ಮಾಡಿದ್ದು ಸತ್ಯಜಿತ್-288,ವಸಂತ್-130,ಅಪ್ಪಸ್ವಾಮಿ-102,ನಾಗೇಶ್-48 ಮತಗಳಗಳನ್ನು ಪಡೆದಿದ್ದಾರೆ. ಈ ನೂತನವಾಗಿ ಆಯ್ಕೆಯಾದ ಸದಸ್ಯರನ್ನು ಶಾಸಕ ಸಿಮೆಂಟ್ ಮಂಜು, ಬಿಜೆಪಿ ತಾಲೂಕು ಅಧ್ಯಕ್ಷ ವಳಲಹಳ್ಳಿ ಅಶ್ವಥ್ ಸೇರಿದಂತೆ ಮುಂತಾದವರು ಅಭಿನಂದಿಸಿದರು.