ಸಾವಿರಾರು ಸಂಖ್ಯೆಯ ಬಿಜೆಪಿ ಕಾರ್ಯಕರ್ತರು ಹಾಗೂ ಪಕ್ಷದ ಅಭಿಮಾನಿಗಳ ಜೊತೆ ನಾಮಪತ್ರ ಸಲ್ಲಿಸಿದ ಬಿಜೆಪಿ ಅಭ್ಯರ್ಥಿ ಸಿಮೆಂಟ್ ಮಂಜುನಾಥ್
ಸಕಲೇಶಪುರ: ಬಿಜೆಪಿ ಅಭ್ಯರ್ಥಿ ಸಿಮೆಂಟ್ ಮಂಜುನಾಥ್ ಸಾವಿರಾರು ಸಂಖ್ಯೆಯ ಕಾರ್ಯಕರ್ತರ ಜೊತೆಗೆ ಬೃಹತ್‍ ಮೆರವಣಿಗೆಯಲ್ಲಿ ಇಂದು ನಾಮಪತ್ರ ಸಲ್ಲಿಸಿದರು. ಪಟ್ಟಣ ಪೂರ್ತಿ ಕೇಸರಿ ಮಯವಾಗಿದ್ದು ಮೆರವಣಿಗೆಯಲ್ಲಿ ಕೇಸರಿ ಬಾವುಟಗಳು, ಬಿಜೆಪಿ ಬಾವುಟಗಳು ಕಂಗೊಳಿಸಿದರೆ ಯುವಕರು ವಾದ್ಯವೃಂದಕ್ಕೆ ಕುಣಿದು ಸಂಭ್ರಮಿಸಿದರು. ಹಾಸನ ವಿಧಾನಸಭಾ ಕ್ಷೇತ್ರದ ಶಾಸಕ ಪ್ರೀತಮ್ ಗೌಡ ಮಾತನಾಡಿ ಸಿಮೆಂಟ್ ಮಂಜುನಾಥ್ ರವರಂತಹ ಸಾಮಾನ್ಯ ಕಾರ್ಯಕರ್ತನಿಗೆ ಪಕ್ಷ ಗುರುತಿಸಿ ಟಿಕೇಟ್‍ ನೀಡಿದ್ದು ಮಾಜಿ ಶಾಸಕ ಬಿ.ಬಿ ಶಿವಪ್ಪನವರ ಆತ್ಮಕ್ಕೆ ಶಾಂತಿ ಹಾಗೂ ಕ್ಷೇತ್ರದಲ್ಲಿ ಅಭಿವೃದ್ದಿಯ ಪರ್ವ ಆರಂಭಿಸಲು ಕ್ಷೇತ್ರದ ಜನತೆ ಸಿಮೆಂಟ್ ಮಂಜುನಾಥ್ ರವರನ್ನು ಗೆಲ್ಲಿಸಬೇಕಾಗಿದೆ ಎಂದರು.
ಬಿಜೆಪಿ ಅಭ್ಯರ್ಥಿ ಸಿಮೆಂಟ್ ಮಂಜುನಾಥ್ ಮಾತನಾಡಿ ನಿಮ್ಮಲ್ಲರ ಆರ್ಶೀವಾದದಿಂದ ಊರಿನ ಮನೆಮಗನಿಗೆ ಟಿಕೇಟ್‍ ದೊರಕಿದೆ. ಕ್ಷೇತ್ರದ ಅಭಿವೃದ್ದಿಗಾಗಿ ನೀವೆಲ್ಲರು ಈ ಬಾರಿ ಬಿಜೆಪಿಗೆ ಮತ ನೀಡಿ ಎಂದು ಮನವಿ ಮಾಡಿದರು.
ಈ ಸಂಧರ್ಭದಲ್ಲಿ ಮಾಜಿ ಶಾಸಕರುಗಳಾದ ಬಿ.ಆರ್ ಗುರುದೇವ್‍, ಎಚ್.ಎಂ ವಿಶ್ವನಾಥ್‍, ಬಿಜೆಪಿ ಮುಖಂಡರುಗಳಾದ ಸಿದ್ದೇಶ್‍ ನಾಗೇಂದ್ರ, ಬಾಳ್ಳು ಮಲ್ಲಿಕಾರ್ಜುನ್,ಅನ್ನಪೂರ್ಣ ಗೌಡ ಮುಂತಾದವರು ಹಾಜರಿದ್ದರು.
_,
