ಕರ್ನಾಟಕ ರಕ್ಷಣಾ ವೇದಿಕೆಯ ಬೆಳ್ಳಿ ಮಹೋತ್ಸವ ಕಾರ್ಯಕ್ರಮಕ್ಕೆ ಬೆಂಗಳೂರು ಕಡೆಗೆ ಕರವೇ ಕಾರ್ಯಕರ್ತರ ಪಯಣ.
ಜಿಲ್ಲಾ ಉಸ್ತುವಾರಿ ರಘು ಪಾಳ್ಯ ನೇತೃತ್ವದಲ್ಲಿ ಹತ್ತಾರು ವಾಹನದಲ್ಲಿ ತೆರಳಿದ ಕಾರ್ಯಕರ್ತರು.
ಸಕಲೇಶಪುರ/ಆಲೂರು : ನಾಡು, ನುಡಿ ಭಾಷೆ ಹಾಗೂ ಉದ್ಯೋಗಕ್ಕಾಗಿ ಹೋರಾಟ ನೆಡೆಸಿದ ರಾಜ್ಯಾಧ್ಯಕ್ಷ ಟಿ. ಎ ನಾರಾಯಣಗೌಡ ಸಾರಥ್ಯದ ಕರ್ನಾಟಕ ರಕ್ಷಣಾ ವೇದಿಕೆಗೆ 25 ವರ್ಷ ತುಂಬಿದ ಹಿನ್ನಲೆ ಇಂದು ಬೆಂಗಳೂರಿನ ಅರಮನೆ ಮೈದಾನದಲ್ಲಿ ಬೃಹತ್ ಸಮಾವೇಶ ಏರ್ಪಡಿಸಲಾಗಿದೆ.
ಬೆಳ್ಳಿ ಹಬ್ಬದ ಸಂಭ್ರಮಕ್ಕೆ ಹಾಸನ ಜಿಲ್ಲಾಧ್ಯಕ್ಷ ಸಿ. ಡಿ ಮನುಕುಮಾರ್ ರವರ ಮಾರ್ಗದರ್ಶನದಲ್ಲಿ ಜಿಲ್ಲಾ ಉಸ್ತುವಾರಿಗಳಾದ ರಘು ಪಾಳ್ಯ ನೇತೃತ್ವದಲ್ಲಿ ನೂರಾರು ಕಾರ್ಯಕರ್ತರು ಹತ್ತಾರು ವಾಹನಗಳಲ್ಲಿ ಬೆಂಗಳೂರಿಗೆ ಶುಕ್ರವಾರ ಮುಂಜಾನೆ ತೆರಳಿದರು.
ಅರಮನೆ ಮೈದಾನದಲ್ಲಿ ಜರುಗುವ ಸಮಾವೇಶವನ್ನು ಮುಖ್ಯಮಂತ್ರಿ ಬಸವರಾಜ್ ಬೊಮ್ಮಾಯಿ ಉದ್ಘಾಟನೆ ಮಾಡಲಿದ್ದಾರೆ.
