ಧ್ರುವನಾರಾಯಣ್ ಅಗಲಿಕೆಯ ದುಃಖ ತಡೆಯಲಾರದೆ ಕಣ್ಣೀರು ಹಾಕಿದ ಕಾಂಗ್ರೆಸ್ ಮುಖಂಡ ಮುರಳಿ ಮೋಹನ್

ಧ್ರುವನಾರಾಯಣ್ ಸಾವಿನ ದುಃಖ ತಡೆಯಲಾರದೆ ಕಣ್ಣೀರು ಹಾಕಿದ ಕಾಂಗ್ರೆಸ್ ಮುಖಂಡ ಮುರಳಿ ಮೋಹನ್
ಸಕಲೇಶಪುರ: ಸಕಲೇಶಪುರ ವಿಧಾನಸಭಾ ಕ್ಷೇತ್ರದ ಪ್ರಬಲ ಕಾಂಗ್ರೆಸ್ ಟಿಕೇಟ್ ಅಕಾಂಕ್ಷಿ ಮುರಳಿ ಮೋಹನ್ ರವರ ಗಾಡ್ ಫಾಧರ್ ರೀತಿಯಲ್ಲಿದ್ದ ಹಾಸನ‌ ಜಿಲ್ಲಾ ಕಾಂಗ್ರೆಸ್ ಚುನಾವಣೆ ಉಸ್ತುವಾರಿ ಧ್ರುವನಾರಾಯಣ್ ನಿಧನದ ಹಿನ್ನೆಲೆಯಲ್ಲಿ ಮುರಳಿ ಮೋಹನ್ ಅಘಾತಕ್ಕೆ ಒಳಗಾಗಿದ್ದು ಸಂಸದ ಡಿ.ಕೆ ಸುರೇಶ್ ರವರ ಜೊತೆಗೆ ಧ್ರುವನಾರಾಯಣ್ ರವರ ಅಂತಿಮ‌ದರ್ಶನ‌ ಪಡೆಯುವಾಗ ದುಃಖ ತಡೆಯಲಾರದೆ ಕಣ್ಣೀರು ಹಾಕಿದರು. ವಾಸ್ತವ ನ್ಯೂಸ್ ನೊಂದಿಗೆ ಮಾತನಾಡಿದ ಅವರು ಧ್ರುವನಾರಾಯಣ್ ಸಾವನ್ನು ನಂಬಲು ಸಾಧ್ಯವಾಗುತ್ತಿಲ್ಲ.. ವೈಯುಕ್ತಿಕವಾಗಿ ಅವರ ಸಾವು ನನಗೆ ದೊಡ್ಡ ನಷ್ಟವಾಗಿದೆ ಏಕೆಂದರೆ ಅವರು ನನ್ನ ಮಾರ್ಗದರ್ಶಕರಾಗಿದ್ದರು.ಅವರ ಸಾವು ಕಾಂಗ್ರೆಸ್ ಪಕ್ಷಕ್ಕೆ ಮಾತ್ರ ನಷ್ಟ ಅಲ್ಲ ಇಡಿ ಸಮಾಜಕ್ಕೆ ನಷ್ಟವಾಗಿದೆ.ಅವರ ಕುಟುಂಬಕ್ಕೆ ಅವರ ಸಾವಿನ ನೋವನ್ನು ಭರಿಸಲು ಆ ಭಗವಂತ ಶಕ್ತಿ ಕೊಡಲಿ ಎಂದರು.