ಸಕಲೇಶಪುರ: ಸರ್ಕಾರ ವಿರೋಧ ಪಕ್ಷಗಳ ಶಾಸಕರಿಗೆ ಹೆಚ್ಚಿನ ಅನುದಾನ ಕೊಡದ ಕಾರಣ ಹಲವು ಕ್ಷೇತ್ರಗಳು ಅಭಿವೃದ್ಧಿ ವಂಚಿತವಾಗಲು ಕಾರಣವಾಗಿದೆ ಎಂದು ಶಾಸಕ ಎಚ್.ಕೆ ಕುಮಾರಸ್ವಾಮಿ ಹೇಳಿದರು.
ತಾಲೂಕಿನ ಹಾನುಬಾಳ್ ಹೋಬಳಿಯ ವಿವಿಧೆಡೆ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಗುದ್ದಲಿ ಪೂಜೆ ನೆರವೇರಿಸಿ ಮಾತನಾಡಿ ಹಾನುಬಾಳ್ ಹೋಬಳಿಯ ವಿವಿಧೆಡೆ ಹಲವು ಅಭಿವೃದ್ಧಿ ಕಾಮಗಾರಿಗಳಿಗೆ ಇಂದು ಚಾಲನೆ ನೀಡಲಾಗುತ್ತಿದೆ. ದೇವಾಲದಕೆರೆ ಗ್ರಾಮದಿಂದ ನೆಲಗಳ್ಳಿವರೆಗೆ ಸುಮಾರು 600 ಮೀಟರ್ ಉದ್ದದ ಕಾಂಕ್ರೀಟ್ ರಸ್ತೆಯನ್ನು ಸುಮಾರು 45 ಲಕ್ಷರೂ ವೆಚ್ಚದಲ್ಲಿ ಮಾಡಲಾಗುತ್ತಿದೆ. ಜೊತೆಗೆ
ದೇವಾಲದಕೆರೆ ಹೊಡಚಳ್ಳಿ ರಸ್ತೆ,ಅಚ್ಚನಹಳ್ಳಿ ದೇವಸ್ಥಾನ ರಸ್ತೆ,ವೆಂಕಟಹಳ್ಳಿ ಕಾಲೋನಿ ರಸ್ತೆ. ಕುಂಬರಡಿ ಆಸ್ಪತ್ರೆ ಕಟ್ಟಡ, ಕುಂಬರಡಿ ಪ್ರೌಢಶಾಲಾ ಕಟ್ಟಡ, ಗುಂಡುಬ್ರಹ್ಮ ರಸ್ತೆ,ಬೆಂಬಳೆ ರಸ್ತೆ,ಕಲ್ಲಾರಳ್ಳಿ ರಸ್ತೆಮಲ್ಲಾಗದ್ದೆ ಶಾಲಾ ಕಟ್ಟಡ ಕಾಮಗಾರಿಗಳಿಗೆ ಗುದ್ದಲಿ ಪೂಜೆ ಮಾಡಲಾಗುತ್ತಿದೆ.ಸರ್ಕಾರ ವಿರೋಧ ಪಕ್ಷಗಳ ಶಾಸಕರಿಗೆ ಅನುದಾನ ಹಂಚಿಕೆಯಲ್ಲಿ ತಾರತಮ್ಯ ಮಾಡದೆ ಎಲ್ಲಾ ಶಾಸಕರಿಗೂ ಸಮಾನ ಅನುದಾನ ನೀಡಬೇಕೆಂದು ಹೇಳಿದರು.
ಈ ಸಂಧರ್ಭದಲ್ಲಿ ಜಿ.ಪಂ ಮಾಜಿ ಉಪಾಧ್ಯಕ್ಷ ಸುಪ್ರದೀಪ್ತ್ ಯಜಮಾನ್, ಪಕ್ಷದ ಮುಖಂಡರುಗಳಾದ ಮೋಹನ್, ರವಿಕುಮಾರ್, ಮತ್ತಿತರರು ಹಾಜರಿದ್ದರು.
