ಸಕಲೇಶಪುರ ನಗರ ಠಾಣಾ ಪಿಎಸ್ಐ ಶಿವಶಂಕರ್ ವರ್ಗಾವಣೆ
ಸಕಲೇಶಪುರ : ನಗರ ಠಾಣೆಯಲ್ಲಿ ಸುಮಾರು ಒಂದು ವರ್ಷಕ್ಕಿಂತ ಹೆಚ್ಚು ಅವಧಿಯವರೆಗೂ ಕಾರ್ಯ ನಿರ್ವಹಿಸುತ್ತಿದ್ದ ಪಿಎಸ್ಐ ಶಿವಶಂಕರ್ ಅವರು ವರ್ಗಾವಣೆಗೊಂಡಿದ್ದಾರೆ.
ಶ್ರವಣಬೆಳಗೊಳ ಪೊಲೀಸ್ ಠಾಣೆಗೆ ವರ್ಗಾವಣೆಗೊಳಿಸಿ ಸರ್ಕಾರ ಅದೇಶಿದೆ.
ತಮ್ಮ ಅಧಿಕಾರ ಅವಧಿಯಲ್ಲಿ ನಗರ ವ್ಯಾಪ್ತಿಯ ಮಠಸಾಗರ ಗ್ರಾಮದಲ್ಲಿ ನಡೆದಿದ್ದ ಕೊಲೆ ಪ್ರಕರಣದಲ್ಲಿ ಯಾವುದೇ ಸುಳಿವು ಸಿಗದಿದ್ದರೂ ಕೂಡ ತಮ್ಮ ಅವಿರತ ಪರಿಶ್ರಮದಿಂದ ಕೊಲೆಗಾರರನ್ನು ಪತ್ತೆ ಹಚ್ಚುವಲ್ಲಿ ಯಶಸ್ವಿಯಾಗಿದ್ದರು. ನಗರ ವ್ಯಾಪ್ತಿಯ ಕುಶಾಲನಗರದಲ್ಲಿ ನಡೆದಿದ್ದ ಕೊಲೆ ಪ್ರಕರಣದಲ್ಲಿ ಆರೋಪಿಗಳು ಹೊರ ರಾಜ್ಯಕ್ಕೆ ಪರಾರಿಯಾಗಿದ್ದರು ಅವರನ್ನು ಬಂಧಿಸಿ ತರುವಲ್ಲಿ ಶಿವಶಂಕರವರ ಪಾತ್ರ ಪ್ರಮುಖವಾಗಿತ್ತು. ಪಟ್ಟಣದಲ್ಲಿ ಗಾಂಜಾ ಮಟ್ಕಾ ಕೇಸುಗಳನ್ನು ಸಂಪೂರ್ಣವಾಗಿ ಮಟ್ಟ ಹಾಕುವುದರಲ್ಲಿ ಶಿವಶಂಕರ್ ಶ್ರಮವಹಿಸಿದ್ದರು.ಅಕ್ರಮ ಗೋ ಮಾಂಸ ಮಾರಾಟಕ್ಕೆ ಸಂಪೂರ್ಣ ಬ್ರೇಕಿಂಗ್ ಹಾಕಿದ್ದರು.
ನಗರದಲ್ಲಿ ಶಾಂತಿ ಸುವ್ಯವಸ್ಥೆ ಕಾಪಾಡುವುದರ ಜೊತೆಗೆ ಟ್ರಾಫಿಕ್ ಸಮಸ್ಯೆಯನ್ನು ಸಮರ್ಥವಾಗಿ ಎದುರಿಸಿ ನಿರ್ವಹಿಸಿದ್ದರು
ಇದೀಗ ಇವರ ವರ್ಗಾವಣೆಯನ್ನು ನಗರದ ಸಾರ್ವಜನಿಕರು ನಿರೀಕ್ಷಿಸಿರಿಲಿಲ್ಲ
