ಸಕಲೇಶಪುರ; ಸಕಲೇಶ್ವರಸ್ವಾಮಿ ಜಾತ್ರೆಯ ಪ್ರಯುಕ್ತ ಹೊನಲು ಬೆಳಕಿನಲ್ಲಿ ನಡೆದ ಶಟಲ್ ಬ್ಯಾಡ್ಮಿಂಟನ್ ಕ್ರೀಡಾಕೂಟದಲ್ಲಿ ಮಾರ್ನಿಂಗ್ ಸ್ಪೋರ್ಟ್ಸ್ ಕ್ಲಬ್ ತಂಡದ ಆಟಗಾರರು ಪ್ರಥಮ ಹಾಗೂ ದ್ವಿತೀಯಾ ಸ್ಥಾನ ಪಡೆದಿದ್ದಾರೆ.
ಪಟ್ಟಣದ ಜಾತ್ರೆ ಮೈದಾನದಲ್ಲಿ ಸಕಲೇಶ್ವರಸ್ವಾಮಿ ಜಾತ್ರೆ ಅಂಗವಾಗಿ ಶುಕ್ರವಾರ ನಡೆದ ಹೊನಲು ಬೆಳಕಿನ ಡಬಲ್ಸ್ ಶಟಲ್ ಬ್ಯಾಡ್ಮಿಂಟನ್ ಪಂದ್ಯಾವಳಿಯಲ್ಲಿ ಒಟ್ಡು 36 ಜೋಡಿಗಳು ಭಾಗವಹಿಸಿದ್ದು ಬಾಳೆಗದ್ದೆ ನಿವಾಸಿ ವಿಷ್ಣು ರಾವ್ ಮತ್ತು ಪ್ರವಿಣ್ ಗಿಟ್ಟಾ ಜೋಡಿ ಪ್ರಥಮ ಸ್ಥಾನ ಪಡೆದರೆ ಮಹೇಂದ್ರ ಹಾಗೂ ವಿನಯ್( ಸ್ವೀಟಿ) ಜೋಡಿ ಎರಡನೇ ಸ್ಥಾನ ಪಡೆದು ಕೊಂಡರು. ಆಕರ್ಷಕ ಹಾಗೂ ರೋಚಕವಾಗಿ ನಡೆದ ಪಂದ್ಯಗಳು ಬೆಳಗ್ಗಿನ ಜಾವ 4 ಗಂಟೆಯವರೆಗೆ ನಡೆಯಿತು.ಘಟಾನುಘಟಿ ಆಟಗಾರರು ಪರಾಜಿತಗೊಂಡಿದ್ದು ಹೊಸ ಚಾಂಪಿಯನ್ ಗಳು ಉದಯವಾಗಿದ್ದಾರೆ.
