ಸಕಲೇಶಪುರ : ಸಕಲೇಶ್ವರ ಸ್ವಾಮಿ ರಥೋತ್ಸವ ಹಾಗೂ 65ನೇ ಜಾತ್ರೆ ವಸ್ತುಪ್ರದರ್ಶನ ಪ್ರಯುಕ್ತ ಪಟ್ಟಣದ ಸುಭಾಷ್ ಮೈದಾನದಲ್ಲಿವ ಹಮ್ಮಿಕೊಂಡಿದ್ದ ಪುಟ್ ಬಾಲ್ ಪಂದ್ಯಾಟದಲ್ಲಿ ಪಟ್ಟಣದ ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ತಂಡವು ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ಬಿ ತಂಡವನ್ನು 3-1 ಗೋಲುಗಳಿಂದ ಫೈನಲ್‌ನಲ್ಲಿ ಮಣಿಸಿ ಚಾಂಪಿಯನ್ ತಂಡವಾಗಿ ಹೊರಹೊಮ್ಮಿತು.ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ಬಿ ತಂಡ ದ್ವಿತೀಯ ಸ್ಥಾನಕ್ಕೆ ತೃಪ್ತಿ ಪಟ್ಟುಕೊಂಡಿತು.
ಇದಕ್ಕೂ ಮುನ್ನ ನಡೆದ ಮೊದಲನೇ ಸೆಮಿಫೈನಲ್ ಪಂದ್ಯದಲ್ಲಿ ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ಬಿ ತಂಡ ಹಾಗೂ ಕುಡಗರಹಳ್ಳಿ ಪ್ರಥಮ ಕಾಲೇಜು ತಂಡಗಳ ನಡುವೆ ನಡೆಯಿತು. ಈ ಪಂದ್ಯ ಅಂತಿಮ ಸಮಯದ ವರೆಗೂ ಎರಡು ತಂಡಗಳು ತಲಾ 2-2 ಗೋಲು ಗಳಿಸಿದ ಕಾರಣ ಪೆನಾಲ್ಟಿ ಶೂಟ್‌ಔಟ್‌ನಲ್ಲಿ ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ಬಿ ತಂಡವು 4-2 ಗೋಲುಗಳ ಅಂತರದಿಂದ ಗೆಲುವು ಸಾಧಿಸಿ ಫೈನಲ್ ಪ್ರವೇಶಿಸಿತ್ತು.
ಎರಡನೇ ಸೆಮಿಫೈನಲ್ ಪಂದ್ಯ ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ಹಾಗೂ ಸಕಲೇಶಪುರ ಫ್ರೆಂಡ್ಸ್ ಕ್ಲಬ್ ತಂಡಗಳ ನಡುವೆ ನಡೆದಿದ್ದು, ಜಿದ್ದಾಜಿದ್ದಿನ ಸೆಮಿಫೈನಲ್ ಪಂದ್ಯಾಟದಲ್ಲಿ ಎವರ್‌ಗ್ರೀನ್ ಫುಟ್ಬಾಲ್ ಕ್ಲಬ್ ತಂಡವು 2-0 ಗೋಲುಗಳ ಅಂತರದಿಂದ ಫ್ರೆಂಡ್ಸ್ ಡದ ವಿರುದ್ದ ಗೆಲುವು ಸಾಧಿಸಿ ಫೈನಲ್ ಪ್ರವೇಶಿಸಿತ್ತು. ಒಟ್ಟಾರೆಯಾಗಿ ಪುಟ್ ಬಾಲ್ ಪ್ರೇಮಿಗಳಿಗೆ ಒಳ್ಳೆಯ ಮನೋರಂಜನೆ ದೊರಕಿತು.
