ದರ್ಶನ್ ಹಾಗೂ ರಚಿತಾ ರಾಮ್ ಅವರ ಬೃಹತ್ ಪ್ಲೇಕ್ಸ್ ಅಳವಡಿಸಿ ಸಂಭ್ರಮಾಚರಣೆ.
ಸಕಲೇಶಪುರ : ನಟ ಚಾಲೆಂಜಿಂಗ್ ಸ್ಟಾರ್ ದರ್ಶನ್ ಸಿನಿಮಾ ಬರ್ತಿದೆ ಅಂದ್ರೆ ಸಾಕು, ಅವರ ಅಭಿಮಾನಿಗಳಿಗೆ ಅದು ಹಬ್ಬವೇ ಸರಿ. ಸಿನಿಮಾ ಹೇಗಿರುತ್ತೋ ಬಿಡುತ್ತೋ, ಒಟ್ಟಾರೆ ಅವರ ಸಿನಿಮಾ ಬಂದರೆ ಸಾಕು ಎನ್ನುವ ನಿಟ್ಟಿನಲ್ಲಿ ನಟ ದರ್ಶನ್ ಅಭಿಮಾನಿಗಳು ಅವರ ಚಿತ್ರಗಳಿಗಾಗಿ ಕಾಯುತ್ತಾ ಇರುತ್ತಾರೆ. ಅಂತೆಯೇ ಈಗ ‘ಕ್ರಾಂತಿ’ ಸಿನಿಮಾಗಾಗಿ ಕೂಡ ಕಾಯುತ್ತಿದ್ದಾರೆ. ಹಾಗಂತಾ ಕಾಯುತ್ತಾ ಸುಮ್ಮನೆ ಕೂತಿಲ್ಲ. ಚಿತ್ರತಂಡಕ್ಕಿಂತಲೂ ಹೆಚ್ಚಿನ ಕಾಳಜಿ ವಹಿಸಿ, ಸಿನಿಮಾ ಪ್ರಚಾರಕ್ಕೆ ಇಳಿದು ಬಿಟ್ಟಿದ್ದಾರೆ. ಅಷ್ಟಕ್ಕೂ ಹಲವು ದಿನಗಳಿಂದ ದರ್ಶನ್ ‘ಕ್ರಾಂತಿ’ ಸಿನಿಮಾದ ಸದ್ದು ನಿರಂತರವಾಗಿ ಕೇಳಲು ದರ್ಶನ್ ಅಭಿಮಾನಿಗಳೇ ಕಾರಣ.
ಈಗೆ ಜನವರಿ 26 ರಂದು ರಾಜ್ಯದ್ಯಂತ ಬಿಡುಗಡೆಯಾಗುತ್ತಿರುವ ಕ್ರಾಂತಿ ಸಿನಿಮಾಕ್ಕೆ ಎಲ್ಲೆಡೆಯಿಂದ ದರ್ಶನ್ ಅಭಿಮಾನಿಗಳು ಸಂಭ್ರಮಾಚರಣೆ ಮಾಡುತ್ತಿದ್ದು ಅದೇ ರೀತಿ ಸೋಮವಾರ ಬಾಳ್ಳುಪೇಟೆಯ ಗುರಪ್ಪ ವೃತ್ತದಲ್ಲಿ ಬೃಹತ್ ಬ್ಯಾನರ್ ಅಳವಡಿಸಿ ಹೂವಿನ ಹಾರ ಹಾಕಿ ಪಟಾಕಿ ಸಿಡಿಸಿ ಸಿಹಿ ಹಂಚುವ ಮೂಲಕ ಸಂಭ್ರಮಾಚರಣೆ ಮಾಡಿದರು. ಇದೇ ವೇಳೆ ಕ್ರಾಂತಿ ಸಿನಿಮಾ ಶತದಿನೋತ್ಸವ ಆಚರಿಸಲಿದೆ ಎಂದು ಅಭಿಮಾನಿಗಳ ವಿಶ್ವಾಸ ವ್ಯಕ್ತಪಡಿಸಿದರು.
ಈ ಸಂದರ್ಭದಲ್ಲಿ ಎಂ. ಎಸ್ ಶಿವಕುಮಾರ್, ಪೃಥ್ವಿ, ಪ್ರವೀಣ್ ಕಿಶನ್ ಸೇರಿದಂತೆ ದರ್ಶನ್ ಹಾಗೂ ರಚಿತಾ ರಾಮ್ ಅಭಿಮಾನಿಗಳಿದ್ದರು.
