ರೋಟರಿ ಕ್ಲಬ್ ಸದಸ್ಯರ ನಡುವೆ ಕ್ರಿಕೆಟ್ ಪಂದ್ಯಾವಳಿ
ಸಕಲೇಶಪುರ: ಪಟ್ಟಣದ ಸುಭಾಷ ಮೈದಾನದಲ್ಲಿ ರೋಟರಿ ಕ್ಲಬ್ ಸದಸ್ಯರ ನಡುವಿನ ಕ್ರಿಕೆಟ್ ಪಂದ್ಯಾವಳಿಗೆ ಪುರಸಭಾ ಅಧ್ಯಕ್ಷ ಕಾಡಪ್ಪ ಬ್ಯಾಟಿಂಗ್ ಆಡುವ ಮುಖಾಂತರ ಚಾಲನೆ ನೀಡಿದರು. ಈ ಸಂದರ್ಭದಲ್ಲಿ ಪುರಸಭಾ ಅಧ್ಯಕ್ಷ ಕಾಡಪ್ಪ ಮಾತನಾಡಿ ರೋಟರಿ ಕ್ಲಬ್ ವತಿಯಿಂದ ಕ್ಲಬ್ ನ ಸದಸ್ಯರುಗಳಿಗಾಗಿ ಕ್ರಿಕೆಟ್ ಪಂದ್ಯಾವಳಿ ಆಯೋಜನೆ ಮಾಡಿರುವುದು ಸಂತೋಷದ ವಿಷಯ. ಎಲ್ಲಾ ಕ್ಲಬ್ ನ ಸದಸ್ಯರು ಒಟ್ಟಾಗಿ ಸೇರಿ ಆಡುವುದರಿಂದ ಮನೋರಂಜನೆ ಜೊತೆಗೆ ಪರಸ್ಪರ ಸ್ನೇಹ ಸಹ ವೃದ್ಧಿಸುತ್ತದೆ ಎಂದರು ಸಕಲೇಶಪುರ, ಹಾನುಬಾಳ್, ಅರೇಹಳ್ಳಿ, ಬೇಲೂರು, ಮೂಡಿಗೆರೆ, ಗೋಣಿಬೀಡು ರೋಟರಿ ತಂಡಗಳು ಪಂದ್ಯಾವಳಿಯಲ್ಲಿ ಭಾಗವಹಿಸಿದ್ದವು.ಈ ವೇಳೆ ಸಕಲೇಶಪುರ ರೋಟರಿ ಸಂಸ್ಥೆ ಪದಾಧಿಕಾರಿಗಳಾದ ಎಚ್.ಆರ್ ಸುರೇಶ್, ವಿಜಯ್ ಕುಮಾರ್ ಜೈನ್, ಚನ್ನವೇಣಿ ಎಂ ಶೆಟ್ಟಿ, ಅರುಣ್ ರಕ್ಷಿದಿ, ಜಾನೆಕೆರೆ ಪರಮೇಶ್,ಆರ್.ಎನ್ ಕೃಷ್ಣಮೂರ್ತಿ ಡಾಕ್ಟರ್ ರವಿಕಿರಣ್,ರವಿಕುಮಾರ್, ಭರತ್ ಜೈನ್, ಮುಂತಾದವರು ಹಾಜರಿದ್ದರು.
