ಸಕಲೇಶಪುರ/ಮೂಗಲಿ : ಕೊಯ್ಲಿಗೆ ಬಂದಿದ್ದ ಭತ್ತದ ಬೆಳೆ ಕಾಡಾನೆ ದಾಳಿಗೆ ಸಂಪೂರ್ಣ ನಾಶ .
ಸಕಲೇಶಪುರ : ದಿನದಿಂದ ದಿನಕ್ಕೆ ಕಾಡಾನೆ ಹಾವಳಿ ಮಿತಿ ಮೀರುತ್ತಿದ್ದು ಸಕಲೇಶಪುರ ತಾಲ್ಲೂಕಿನ ಮುಗಲಿ ಗ್ರಾಮದ ಸರ್ವೇ ನಂಬರ್ 87 ಮತ್ತು 88 ರ ಎಂ. ಎಂ ಮಲ್ಲೇಶ್ ಎಂಬುವವರ ಭತ್ತದ ಗದ್ದೆ ಇಪ್ಪತ್ತೆರಡಕ್ಕೂ ಹೆಚ್ಚು ಕಾಡಾನೆಗಳು ಶನಿವಾರ ರಾತ್ರಿ ಮನಸೋಇಚ್ಛೆ ಓಡಾಡಿ ಕೊಯ್ಲಿಗೆ ಬಂದಿದ್ದ ಭತ್ತದ ಬೆಳೆಯನ್ನು ಸಂಪೂರ್ಣ ನಾಶ ಮಾಡಿವೆ .
ಬೆಳಗೋಡು ಹೋಬಳಿಯ ಹೆಬ್ಬನಹಳ್ಳಿ, ಶಿಡಗಳಲೆ, ಮುಗಲಿ,ಲಕ್ಕುಂದ ಸೇರಿದಂತೆ ಸುತ್ತಮುತ್ತಲ ಗ್ರಾಮಗಳಲ್ಲಿ ಕಳೆದ ಒಂದು ತಿಂಗಳಿನಿಂದ ಮೂವತ್ತು ಕ್ಕೂ ಹೆಚ್ಚು ಕಾಡಾನೆಗಳು ಬೀಡುಬಿಟ್ಟಿವೆ.
ಭತ್ತದ ಗದ್ದೆ, ಕಾಫಿ ತೋಟ ಸೇರಿದಂತೆ ಅಪಾರ ಪ್ರಮಾಣದ ಬೆಳೆ ನಷ್ಟವನ್ನು ಮಾಡಿವೆ.
