ಸುಶೀಲಮ್ಮನವರ ಪಾರ್ಥಿವ ಶರೀರದ ಅಂತಿಮ ದರ್ಶನ ಪಡೆದ ಉಸ್ತುವಾರಿ ಸಚಿವ ಕೆ. ಗೋಪಾಲಯ್ಯ .
ಸಕಲೇಶಪುರ :ನಿನ್ನೆ ನಿಧನರಾದ ಮಾಜಿ ಶಾಸಕ ದಿ .ಬಿ ಬಿ ಶಿವಪ್ಪ ಅವರ ಪತ್ನಿ ರಾಜ್ಯ ಬಿಜೆಪಿ ಮಹಿಳಾ ಘಟಕದ ಮಾಜಿ ಅಧ್ಯಕ್ಷೆ ಸುಶೀಲಾ ಶಿವಪ್ಪನವರ ಅಂತಿಮ ದರ್ಶನವನ್ನು ಅಬಕಾರಿ ಹಾಗೂ ಜಿಲ್ಲಾ ಉಸ್ತುವಾರಿ ಮಂತ್ರಿ ಕೆ ಗೋಪಾಲಯ್ಯ ಪಡೆದರು.
ಈ ವೇಳೆ ಮಾತನಾಡಿದ ಗೋಪಾಲಯ್ಯ,ರಾಜ್ಯ ಬಿಜೆಪಿ ಪಕ್ಷಕ್ಕೆ ಶಿವಪ್ಪ ಹಾಗೂ ಅಮ್ಮನವರ ಕೊಡುಗೆ ಅಪಾರವಾದದ್ದು.ಪಕ್ಷವು ಸಂಕಷ್ಟ ಸಮಯದಲ್ಲಿ ಇದ್ದಾಗಲೂ ಜವಾಬ್ದಾರಿ ವಹಿಸಿಕೊಂಡು ಸಮರ್ಥವಾಗಿ ಪಕ್ಷ ಕಟ್ಟಿದ ಹೆಗ್ಗಳಿಕೆ ಬಿ.ಬಿ ಶಿವಪ್ಪ ಹಾಗೂ ಸುಶೀಲಮ್ಮನವರಿಗೆ ಸಲ್ಲುತ್ತದೆ ಎಂದರು .
ದರ್ಶನದ ಬಳಿಕ ಉಸ್ತುವಾರಿ ಸಚಿವರು ಅಧಿಕೃತ ಕಾರ್ಯಕ್ರಮದ ನಿಮಿತ್ತ ಮಂಡ್ಯ ಜಿಲ್ಲೆಗೆ ಪ್ರಯಾಣ ಬೆಳೆಸಿದರು ಈ ಸಂದರ್ಭದಲ್ಲಿ ಸುಶೀಲಮ್ಮ ನವರ ಪುತ್ರ ಪ್ರತಾಪ್ ,ಪ್ರದೀಪ್ ,ಅಬಕಾರಿ ಇಲಾಖೆಯ ತಾಲ್ಲೂಕು ನಿರೀಕ್ಷಕರಾದ ವೆಂಕಟೇಶ್ , ಭಾರತೀಯ ಜನತಾ ಪಾರ್ಟಿಯ ಕಾರ್ಯಕರ್ತರು ಸೇರಿದಂತೆ ಇನ್ನಿತರರಿದ್ದರು
