ಸಕಲೇಶಪುರ: ರಾಜ್ಯದಲ್ಲಿ ಬಿಜೆಪಿ ಬಲಶಾಲಿಯಾಗಿರದ ದಿನಗಳಲ್ಲಿ ಲೋಕಸಭಾ ಹಾಗೂ ವಿಧಾನಸಭಾ ಚುನಾವಣೆಗಳಲ್ಲಿ ಚುನಾವಣೆ ಪ್ರಚಾರ ಮಾಡಲು ಬಹುತೇಕ ರಾಷ್ಟ್ರ ಹಾಗೂ ರಾಜ್ಯ ಮುಖಂಡರುಗಳು ಹಾಸನ ಜಿಲ್ಲೆಗೆ ಆಗಮಿಸಿದಾಗ ಬಿ.ಬಿ ಶಿವಪ್ಪನವರ ಮನೆಗೆ ಹೋಗಿ ಅತಿಥ್ಯ ಸ್ವೀಕರಿಸುವುದು ಸಾಮಾನ್ಯವಾಗಿತ್ತು. ಹೀಗೆ ಆಗಮಿಸುತ್ತಿದ್ದ ಗಣ್ಯರನ್ನು ಮಾತ್ರವಲ್ಲದೆ ಪಕ್ಷದ ಕಾರ್ಯಕರ್ತರಿಗೂ ಸಹ ಅತಿಥ್ಯ ನೀಡುತ್ತಿದ್ದರು. ಲೋಕಸಭಾ ಚುನಾವಣಾ ಪ್ರಚಾರ ಸಂಧರ್ಭದಲ್ಲಿ ಮಾಜಿ ಪ್ರಧಾನಿ ಅಟಲ್ ಬಿಹಾರಿ ವಾಜಪೇಯಿರವರು ಬಿ.ಬಿ ಶಿವಪ್ಪನವರ ಮನೆಗೆ ಭೇಟಿ ನೀಡಿದಾಗ ತಾಯಿಯ ಆತಿಥ್ಯಕ್ಕೆ ಮನಸೋತಿದ್ದು ಶಿವಪ್ಪನವರನ್ನು ಭೇಟಿಯಾದಗೆಲ್ಲ ಸುಶೀಲಮ್ಮನವರ ಕುರಿತು ವಿಚಾರಿಸಿಕೊಳ್ಳುತ್ತಿದ್ದರು.
