ಹೆತ್ತೂರು SBI ಬ್ಯಾಂಕ್ ಗೆ ಸಹಾಯಕ ಪ್ರಧಾನ ವ್ಯವಸ್ಥಾಪಕರಾದ ವಾಣಿಶ್ರಿ ಭೇಟಿ
ಹಲವು ಸಮಸ್ಯೆಗಳ ಬಗ್ಗೆ ಚರ್ಚೆ.
ಸಕಲೇಶಪುರ : ಹೆತ್ತೂರಿನಲ್ಲಿರುವ ಎಸ್.ಬಿ. ಐ ಬ್ಯಾಂಕಿನ ಹಿರಿಯ ಅಧಿಕಾರಿಗಳು ಗುರುವಾರ ಬ್ಯಾಂಕ್ ಗೆ ಭೇಟಿ ನೀಡಿ ರೈತರು, ಬೆಳೆಗಾರರು ಹಾಗೂ ಸಾರ್ವಜನಿಕರ ಕುಂದು ಕೊರತೆಯನ್ನು ಆಲಿಸಿದರು.
ಹೆತ್ತೂರು ಎಸ್ ಬಿ. ಐ ಬ್ಯಾಂಕ್ ನಲ್ಲಿ ಆಗುತ್ತಿರುವ ಸಮಸ್ಯೆಗಳ ಬಗ್ಗೆ ವಿಸ್ತೃತ ವಾದ ಚರ್ಚೆ ಮಾಡಲಾಯಿತು. ಪ್ರಧಾನ ವ್ಯವಸ್ಥಾಪಕರು ಹಾಗೂ ಮುಖ್ಯ ವ್ಯವಸ್ಥಾಪಕರು ಎಲ್ಲಾ ಸಮಸ್ಯೆ ಗಳಿಗೂ ಸ್ಥಳದಲ್ಲಿ ಪರಿಹಾರ ಸೂಚಿಸುವುದರ ಮುಖಾಂತರ ಬಹುದಿನಗಳಿಂದ ಸಂಕಷ್ಟ ಕ್ಕೀಡಾಗಿದ್ದ ಗ್ರಾಹಕರು ನಿರಾಳರಾಗಿದ್ದಾರೆ.
ಸಭೆಯಲ್ಲಿ ಭಾಗವಹಿಸಿ ಸಮಸ್ಯೆಗಳನ್ನು ಪ್ರಸ್ತಾಪ ಮಾಡಿ ಕಾರ್ಯಕ್ರಮವನ್ನು ಯಶಸ್ವಿಗೊಳಿಸಿದ ಬೆಳೆಗಾರರಿಗೂ, ಸಂಘ ಸಂಸ್ಥೆಗಳ ಅಧ್ಯಕ್ಷರು ಪದಾಧಿಕಾರಿಗಳಿಗೂ ಗ್ರಾಮ ಪಂಚಾಯಿತಿ ಯ ಮಾಜಿ ಸದಸ್ಯರುಗಳಿಗೂ ಹೆತ್ತೂರು ಹೋಬಳಿ ಬೆಳೆಗಾರರ ಸಂಘದ ವತಿಯಿಂದ ಧನ್ಯವಾದಗಳನ್ನು ಅರ್ಪಿಸುತ್ತಿದ್ದೇವೆ ಎಂದು ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.
ಈ ವೇಳೆ ಮುಖ್ಯ ವ್ಯವಸ್ಥಾಪಕರಾದ ಶ್ರೀ ಶಿವರಾಂ , ಶ್ರೀ ಅನಿಲ್ ಕುಮಾರ್ ಹೆತ್ತೂರು ಎಸ್ ಬಿ ಐ. ವ್ಯವಸ್ಥಾಪಕರು ಶ್ರೀ ಅಭಿಷೇಕ್ ಹಾಗೂ ಕ್ಷೇತ್ರಾಧಿಕಾರಿ ಪುನೀತ್ ಹೆತ್ತೂರು ಹೋಬಳಿ ಬೆಳೆಗಾರರ ಸಂಘದ ಅಧ್ಯಕ್ಷರಾದ ಶ್ರೀ ಸಚಿನ್ ಕಾರ್ಯದರ್ಶಿ ಶ್ರೀ ದೇವರಾಜು ಹಾಗೂ ಸಂಘದ ಪದಾಧಿಕಾರಿಗಳು ಹಾಗೂ ಬೆಳೆಗಾರರು,ರೈತರು ಹಾಗೂ ಗ್ರಾಮಸ್ಥರು ಇದ್ದರು.
