ಖೋ ಖೋ ಕ್ರೀಡೆಯಲ್ಲಿ ರಾಜ್ಯಮಟ್ಟಕ್ಕೆ ಆಯ್ಕೆಯಾದ ಗಗನ್ ಗೆ ಶಾಸಕರಿಂದ ಅಭಿನಂದನೆ.
ಸಕಲೇಶಪುರ :- ಇತ್ತೀಚಿಗೆ ಜಿಲ್ಲಾ ವಿಭಾಗಿಯ ಮಟ್ಟದಲ್ಲಿ ನಡೆದ ಖೋ ಖೋ ಕ್ರೀಡೆಯಲ್ಲಿ ನಗರದ ಯಾದಗರ್ ಆಕ್ಸ್ಫರ್ಡ್ ಶಾಲೆಯ ವಿದ್ಯಾರ್ಥಿ ಪ್ರಶಸ್ತಿ ಪಡೆದು ರಾಜ್ಯಮಟ್ಟಕ್ಕೆ ಆಯ್ಕೆಯಾಗಿರುವ ಹಿನ್ನೆಲೆಯಲ್ಲಿ ಶಾಸಕ ಎಚ್ ಕೆ ಕುಮಾರಸ್ವಾಮಿ ಅವರು ವಿದ್ಯಾರ್ಥಿ ಗಗನ್ ಗೆ ಸನ್ಮಾನಿಸಿ ಶುಭ ಕೋರಿದ್ದಾರೆ.
ಈ ಸಂದರ್ಭದಲ್ಲಿ ಮಾತನಾಡಿದ ಶಾಸಕರು ವಿದ್ಯಾರ್ಥಿಯ ಈ ಸಾಧನೆ ಇದರ ವಿದ್ಯಾರ್ಥಿಗಳಿಗೆ ಮಾದರಿಯಾಗಿದೆ. ರಾಜ್ಯಮಟ್ಟದಲ್ಲೂ ಗೆದ್ದು ಬರಲಿ ಎಂದು ಆಶಿಸಿದರು ಈ ವೇಳೆ ಶಾಸಕರು ವೈಯಕ್ತಿಕವಾಗಿ ವಿದ್ಯಾರ್ಥಿಗೆ ಧನ ಸಹಾಯ ಮಾಡಿದರು.
ಹಲಸುಲಿಗೆ ಗ್ರಾಮದ ಕಾರ್ತಿಕ್ ಎಂಬುವರ ಪುತ್ರ ಗಗನ್ ರವರಾಗಿದ್ದಾರೆ.
ಈ ಸಂದರ್ಭದಲ್ಲಿ ಮಾಜಿ ಜಿಲ್ಲಾ ಪಂಚಾಯತಿ ಸದಸ್ಯ ಚಂಚಲ ಕುಮಾರಸ್ವಾಮಿ, ಆನೆಮಹಲ್ ಗ್ರಾಮ ಪಂಚಾಯಿತಿಯ ಸದಸ್ಯ ಹಸೈನರ್ ಸೇರಿದಂತೆ ಇನ್ನಿತರರಿದ್ದರು.
