ಸಕಲೇಶಪುರ | ಜಿಲ್ಲಾ ಹಾಗೂ ತಾಲೂಕು ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿಗೆ ತಲಾ ಮೂವರು ಆಯ್ಕೆ.
ಸಕಲೇಶಪುರ : 2024–25ನೇ ಸಾಲಿನ ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕರ ಪಟ್ಟಿಯನ್ನು ಶಾಲಾ ಶಿಕ್ಷಣ ಇಲಾಖೆ ಬುಧವಾರ ಬಿಡುಗಡೆ ಮಾಡಿದ್ದು, ಮೂರು ವಿಭಾಗಗಳಲ್ಲಿ 24 ಮಂದಿಗೆ ಪ್ರಶಸ್ತಿ ದೊರೆತಿದೆ.
ಸಕಲೇಶಪುರ ತಾಲೂಕಿನ ಮೂವರಿಗೆ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಒಲಿದು ಬಂದಿದ್ದು ಕಿರಿಯ ಪ್ರಾಥಮಿಕ ಶಾಲೆ ವಿಭಾಗ :ರೇಣುಕಾ ಬಾಯಿ ಆರ್ ಸಹ ಶಿಕ್ಷಕರು ಬಾಳುಗೋಡು.ಹಿರಿಯ ಪ್ರಾಥಮಿಕ ಶಾಲೆ ವಿಭಾಗ : ಮಹೇಶ್ ಎ. ಸಿ ಸಹ ಶಿಕ್ಷಕರು ಯಸಳೂರು ಹಾಗೂ ಪ್ರೌಢಶಾಲಾ ವಿಭಾಗ: ರಾಜನಾಯ್ಕ್ ಎಚ್ ಸರ್ಕಾರಿ ಪ್ರೌಢಶಾಲೆ ಈಚಲಬೀಡು ಇವರಿಗೆ ಜಿಲ್ಲಾ ಮಟ್ಟದ ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ದೊರಕಿದೆ. ಜಿಲ್ಲೆ ವಿಶೇಷ ಅತ್ಯುತ್ತಮ ಶಿಕ್ಷಕರ ಪ್ರಶಸ್ತಿಗೆ ರೇಣುಕರಾಧ್ಯ. ಪಿ ಜೆಎಸ್ಎಸ್ ಪ್ರೌಢಶಾಲೆ ಸಕಲೇಶಪುರ ಇವರು ಪುರಸ್ಕತರಾಗಿದ್ದಾರೆ.
ಕಿರಿಯ ಮತ್ತು ಹಿರಿಯ ಪ್ರಾಥಮಿಕ ಶಾಲೆಯ ಶಿಕ್ಷಕರಿಗೆ ₹2 ಸಾವಿರ ನಗದು, ಪ್ರಮಾಣ ಪತ್ರ ಮತ್ತು ಪ್ರೌಢಶಾಲೆ ಶಿಕ್ಷಕರಿಗೆ 3 ಸಾವಿರ ನಗದು ಮತ್ತು ಪ್ರಮಾಣ ಪತ್ರವನ್ನು ಪ್ರಶಸ್ತಿ ಜತೆಗೆ ನೀಡಲಾಗುತ್ತದೆ ಎಂದು ತಿಳಿಸಲಾಗಿದೆ.
ತಾಲೂಕು ಮಟ್ಟದಲ್ಲಿ ಸುಬ್ಬಯ್ಯ ದೈಹಿಕ ಶಿಕ್ಷಕರು ಎಂ.ಎಚ್. ಪಿ. ಸಿ ಸಕಲೇಶಪುರ,ಲೋಕೇಶ್ ಸರ್ಕಾರಿ ಕಿರಿಯ ಪ್ರಾಥಮಿಕ ಶಾಲೆ ಹಳೇಕೆರೆ.ಮಂಜುನಾಥ್ ಬಿ ಮುಖ್ಯ ಶಿಕ್ಷಕರು ಸರ್ಕಾರಿ ಪ್ರೌಢಶಾಲೆ ಕುಂಬರಡಿ.
ಅತ್ಯುತ್ತಮ ಶಿಕ್ಷಕ ಪ್ರಶಸ್ತಿ ಪಡೆದ ಎಲ್ಲಾ ಶಿಕ್ಷಕರಿಗೂ ಶಾಸಕ ಸಿಮೆಂಟ್ ಮಂಜು ಅಭಿನಂದನೆ ಸಲ್ಲಿಸಿದ್ದಾರೆ.
