ಅಮರ್‌ನಾಥ್‌ನಲ್ಲಿ ಮಳೆಯಲ್ಲಿ ಸಿಲುಕಿದರು ಸಹ ಮಿಲಿಟರಿಯವರ ಸಹಾಯದಿಂದ ಯಾವುದೆ ಅಪಾಯವಿಲ್ಲದೆ ಹಿಂತಿರುಗಿದ ಸಕಲೇಶಪುರದ 16 ಜನರ ತಂಡ
ಸಕಲೇಶಪುರ: ಅಮರ್‌ನಾಥ ಯಾತ್ರೆಗೆ ಪಟ್ಟಣದಿಂದ ತೆರಳಿದ್ದ 16 ಮಂದಿಯ ತಂಡ ಯಾವುದೆ ಅಪಾಯವಿಲ್ಲದೆ ಸುರಕ್ಷಿತವಾಗಿ ಹಿಂತಿರುಗಿದ್ದಾರೆ.
ಸೋಮವಾರ ಮಧ್ಯಾಹ್ನ 2 ಗಂಟೆಯ ವೇಳೆಗೆ ಅಮರ್‌ನಾಥ್ ದರ್ಶನಕ್ಕೆ ಈ ತಂಡ ಹೋಗಿದ್ದು ಸಂಜೆಯ ವೇಳೆಗೆ ವಿಪರೀತ ಮಳೆ ಆರಂಭವಾಗಿ ತೊಂದರೆಗೆ ಸಿಲುಕಿದೆ. ಈ ಸಂಧರ್ಭದಲ್ಲಿ ಮಿಲಿಟರಿ ಪಡೆಯ ಹೆಲಿಕ್ಯಾಪ್ಟರ್ ಮುಖಾಂತರ ಎಲ್ಲಾರು ಹೊರ ಬಂದು ಉತತರ ಪ್ರದೇಶದ ಬಳ್ತಲ್ ಮಿಲಿಟರಿ ಕ್ಯಾಂಪ್‌ಗೆ ಆಗಮಿಸಿ ಆಶ್ರಯ ಪಡೆದಿದ್ದು ಮಂಗಳವಾರ ಮಧ್ಯಾಹ್ನದ ನಂತರ ತಂಡ ಶ್ರೀನಗರದ ಕಡೆಗೆ ಪ್ರಯಾಣ ಮುಂದುವರೆಸಿದೆ. ತಂಡದಲ್ಲಿ ಮಾಜಿ ಪುರಸಭಾ ಸದಸ್ಯ ವೆಂಕಟೇಶ್, ವರ್ತಕರುಗಳಾದ ಮಧುಕುಮಾರ್, ಉಮಾಪತಿ, ನರೇಂದ್ರಸಿಂಗ್, ಯುವರಾಜ್ ಸೇರಿದಂತೆ ಒಟ್ಟು 8 ಪುರುಷರು ಹಾಗೂ 8 ಮಹಿಳೆಯರಿದ್ದಾರೆ.
