ಜಿಲ್ಲಾ ಒಕ್ಕಲಿಗ ಸಂಘದ ವತಿಯಿಂದ ನೂತನ ಶಾಸಕ ಸಿಮೆಂಟ್ ಮಂಜುರವರಿಗೆ ಸನ್ಮಾನ
ಸಕಲೇಶಪುರ: ಜಿಲ್ಲಾ ಒಕ್ಕಲಿಗ ಸಂಘದ ವತಿಯಿಂದ ನೂತನ ಶಾಸಕ ಸಿಮೆಂಟ್ ಮಂಜುರವರನ್ನು ಸನ್ಮಾನಿಸಲಾಯಿತು. ಇದೇ ಸಂಧರ್ಭದಲ್ಲಿ ಜಿಲ್ಲಾ ಒಕ್ಕಲಿಗ ಸಂಘದ ಅಧ್ಯಕ್ಷ ಜಿ.ಎಲ್ ಮುದ್ದೇಗೌಡರವರನ್ನು ಸಿಮೆಂಟ್ ಮಂಜು ಕುಟುಂಬದವರು ಸನ್ಮಾನಿಸಿದರು. ಈ ಸಂಧರ್ಭದಲ್ಲಿ ಶಾಸಕ ಸಿಮೆಂಟ್ ಮಂಜು ಮಾತನಾಡಿ ತಾಲ್ಲೂಕು ಕೇಂದ್ರದಲ್ಲಿ ನಾಡಪ್ರಭು ಕೆಂಪೇಗೌಡರವರ ಪ್ರತಿಮೆ ನಿರ್ಮಾಣಕ್ಕೆ ಎಲ್ಲಾ ರೀತಿಯಲ್ಲಿ ಸಹಕಾರ ನೀಡುವುದಾಗಿ ತಿಳಿಸಿದರು. ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷ ಜಿ.ಎಲ್ ಮುದ್ದೇಗೌಡ, ಕಾರ್ಯದರ್ಶಿ ಅಪ್ಪೇಗೌಡ, ಜಿಲ್ಲಾ ನಿರ್ದೇಶಕರುಗಳಾದ ಎಚ್.ಆರ್ ಚಂದ್ರೇಗೌಡ, ದೊಡ್ಡಬೀಕನಹಳ್ಳಿ ನಾಗರಾಜ್, ಜೈಮಾರುತಿ ದೇವರಾಜ್, ತಾಲೂಕು ಒಕ್ಕಲಿಗ ಸಂಘದ ಸದಸ್ಯರುಗಳಾದ ಡಿ.ರಾಜ್ ಕುಮಾರ್, ಸುಧೀಶ್ ಗೌಡ, ರಘು ಗೌಡ ಉಪಸ್ಥಿತರಿದ್ದರು.
