ಸಕಲೇಶಪುರ ಶಾಸಕರಾದ ಹೆಚ್. ಕೆ ಕುಮಾರ ಸ್ವಾಮಿಯವರನ್ನು ಕ್ಯಾಮನ ಹಳ್ಳಿ ಗ್ರಾಮ ಪಂಚಾಯತ್ ವತಿಯಿಂದ ಅಭಿನಂದಿಸಲಾಯಿತು. ಕ್ಯಾಮನ ಹಳ್ಳಿ ಗ್ರಾಮ ಪಂಚಾಯತದ ಸಭಾಭವನವು ಬಹಳಷ್ಟು ಹಳೆಯದಾಗಿದ್ದು ನಶಿಸುವ ಹಂತದಲ್ಲಿದೆ.
ಈ ಪರಿಸ್ಥಿತಿ ಬಗ್ಗೆ ಶಾಸಕರಿಗೆ ಈ ಗ್ರಾಮ ಪಂಚಾಯತವು ಮನವಿ ಮಾಡಿದಾಗ ಶಾಸಕ ಹೆಚ್. ಕೆ. ಕುಮಾರ ಸ್ವಾಮಿಯವರು ರೂ 25 ಲಕ್ಷ ಅನುದಾನ ಮಂಜೂರು ಮಾಡಿದ್ದಾರೆ ಎಂದು ತಿಳಿದು ಬಂದಿದೆ. ಗ್ರಾಮೀಣ ಪ್ರದೇಶದ ಅಭಿವೃದ್ದಿಗೆ ಸದಾ ಸಹಕಾರ ನೀಡುವುದಾಗಿ ಅವರು ಈ ಸಂದರ್ಭ ತಿಳಿಸಿದ್ದಾರೆ.
ಈ ಸಂದರ್ಭದಲ್ಲಿ ಗ್ರಾಮ ಪಂಚಾಯತ್ ಅಧ್ಯಕ್ಷರಾದ ಸಹನಾ, ಸದಸ್ಯರಾದ ಸಚಿನ್, ಕುಮಾರ್ ಆಕಾಶ್, ಮಲ್ಲೇಶ್ , ಅಭಿವೃದ್ದಿ ಅಧಿಕಾರಿ ಸಂಗಮೇಶ್ ಬಾಗೆ ಮತ್ತಿತರರು ಉಪಸ್ಥಿತರಿದ್ದರು.
